Вы тут

Упершыню каля ста ўзораў новага ўзбраення прадэманструе беларуская абаронка


У Мінску пачала работу 9-я Міжнародная выстаўка ўзбраення і ваеннай тэхнікі MІLЕХ-2019. За тры дні экспаненты прадэманструюць на пляцоўцы «Мінск-Арэны» свае дасягненні ў абаронна-прамысловай галіне і навінкі ваеннай і спецыяльнай тэхнікі.


Як адзначылі ў Дзяржаўным ваенна-прамысловым камітэце Рэспублікі Беларусь, нягледзячы на свой адносна невялікі ўзрост, па маштабах задач, якія вырашаюцца, складзе і ўзроўні ўдзельнікаў MІLЕХ з'яўляецца адной з найбуйнейшых выставак узбраення ва Усходне-Еўрапейскім рэгіёне. За кароткі тэрмін яна набыла рэпутацыю сур'ёзнага міжнароднага зброевага салона.

Афіцыйная цырымонія адкрыцця адбылася на тэрыторыі гісторыка-культурнага комплексу «Лінія Сталіна», дзе гледачам паказалі яркае, відовішчнае шоу на зямлі і ў паветры. Сцэнарый адкрыцця выстаўкі, у тым ліку і ваенна-гістарычная рэканструкцыя баявога эпізоду на безыменнай вышыні, прысвечаны 75-годдзю вызвалення Беларусі ад нямецка-фашысцкіх захопнікаў.

Фармат выстаўкі ўзбраення і ваеннай тэхнікі MІLЕХ чарговы раз пацвярджае адкрытасць нашай краіны, яе зацікаўленасць у развіцці супрацоўніцтва з іншымі дзяржавамі ў сферы забеспячэння бяспекі. Пра гэта гаворыцца ў прывітанні Прэзідэнта Беларусі Аляксандра Лукашэнкі ўдзельнікам і гасцям выстаўкі, яго зачытаў прэм'ер-міністр Сяргей Румас, перадае БелТА. «На гэтым прадстаўнічым форуме традыцыйна дэманструюцца асноўныя тэндэнцыі фарміравання сусветнага рынку зброі, а таксама найноўшыя дасягненні вядучых беларускіх і замежных вытворцаў прадукцыі ваеннага прызначэння», — адзначаецца ў прывітанні.

Форум дэманструе інтэлектуальную моц і велізарны патэнцыял айчыннага абароннага сектара эканомікі. Пра гэта заявіў начальнік Генеральнага штаба Узброеных Сіл — першы намеснік міністра абароны Беларусі Алег Белаконеў. Дынаміка павелічэння колькасці ўдзельнікаў і наведвальнікаў сведчыць пра рост аўтарытэту і папулярнасці выстаўкі ў прафесійным асяроддзі, адзначыў ён.

На выставачнай пляцоўцы «Мінск-Арэны» свае экспазіцыі дэманструюць каля 170 арганізацый з 10 краін, што прадстаўляюць найбуйнейшых вытворцаў і экспарцёраў абароннай прадукцыі і паслуг з Беларусі, Расіі, Азербайджана, Польшчы, Германіі, Кітая ды іншых. Асобным стэндам прадстаўлены магчымасці дзяржаў — членаў АДКБ. Агульная плошча экспазіцыі ў выставачным павільёне складае 8 тысяч «квадратаў», на адкрытай пляцоўцы — 10 тысяч. Упершыню ў выстаўцы ўдзельнічаюць кампаніі з Сербіі і ЮАР, а таксама міністэрства абароннай прамысловасці Азербайджана.

Як паведамілі ў ДВПК, беларуская абаронка ўпершыню прадэманструе ўзоры прыкладна ста адзінак узбраення. Сярод праектаў — сродкі агнявога паражэння, сістэмы комплекснага процідзеяння высокадакладнай зброі, сродкі перамяшчэння, беспілотныя авіяцыйныя комплексы і баявыя геаінфармацыйныя сістэмы.

Фота Таццяны ТКАЧОВАЙ

Загаловак у газеце: Маштабны агляд навінак

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.