Вы тут

Пытанні гандлю з Расіяй не знікаюць з парадку дня


Балансы паставак арыентуюць сельгасвытворцаў, на які аб'ём збыту прадукцыі можна разлічваць. Гэтую функцыю падкрэсліў дзяржаўны сакратар Саюзнай дзяржавы Рыгор РАПОТА, размаўляючы з журналістамі перад сумесным пасяджэннем калегій Міністэрства сельскай гаспадаркі і харчавання Беларусі і Міністэрства сельскай гаспадаркі Расіі.


Дзяржсакратар адзначыў, што балансы маюць індыкатыўны, арыенціровачны характар, але абодва бакі імкнуцца іх прытрымлівацца: «Зацвярджэнне паказчыкаў — заўсёды адказны акт, штогод вядуцца спрэчкі паміж прадстаўнікамі міністэрстваў сельскай гаспадаркі. Сёння, як я ўяўляю, згода дасягнутая па ўсіх асноўных пазіцыях».

Пастаянны камітэт сочыць, каб пытанні ўрэгулявання спрэчак па малаку і мясе не знікалі з парадку дня зацікаўленых міністэрстваў і ведамстваў, каб спецыялісты не забываліся на важнасць гэтай праблемы. «Супярэчнасці ўзнікаюць непазбежна, і не толькі ў сферы сельскай гаспадаркі. Наша задача — не пакінуць іх без вырашэння», — адзначыў дзяржаўны сакратар Саюзнай дзяржавы.

Сярод самых актуальных сучасных напрамкаў развіцця Рыгор Рапота назваў стварэнне селекцыйных цэнтраў, узмацненне работы ў генетыцы жывёлагадоўлі, вывядзенне новых сартоў і парод. Пастаянны камітэт чакае прапаноў ад аграрыяў — прычым ужо ўзгодненых у адпаведных міністэрствах.

Расія і Беларусь сумесна вырашаюць задачы не толькі ў сельскай гаспадарцы. Зараз у дзвюх краінах ажыццяўляюцца медыцынская праграма па спінальных сістэмах і праграма па ДНК-ідэнтыфікацыі. Дзейнічаюць сумесныя праекты ў галінах мікраэлектронікі, засваення космасу. У выніку рэалізацыі праграмы па ліквідацыі наступстваў чарнобыльскай катастрофы створана тры медыцынскія цэнтры. «Ідэй у нас болей за магчымасці для іх рэалізацыі, — звярнуў увагу дзяржсакратар. — Грошай няшмат, але іх выкарыстанне добра разлічанае. Усё ідзе на карысць».

Па словах кіраўніка Пастаяннага камітэта Саюзнай дзяржавы, усе сумесныя праграмы Беларусі і Расіі паспяхова выконваюцца і маюць практычны вынік. Часам рэзультат складае сто, часам — 95 %, а часам і перавышае сотню працэнтаў. «Здавальняючы вынік магчымы толькі пры адной умове: калі пільна прапрацоўваюцца ўсе дэталі, звязаныя з падрыхтоўкай праграмы», — выказаў упэўненасць Рыгор Рапота і назваў працэс падрыхтоўкі «пакутлівым», бо ён можа заняць да двух гадоў.

Варвара МАРОЗАВА

Загаловак у газеце: Пастаўкі малака і мяса — на кантролі

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.