Вы тут

Да доктара — без сарамлівасці і бар'ераў


У клінічным радзільным доме Мінскай вобласці з'явілася гінекалагічнае крэсла, адаптаванае пад патрэбы жанчын з інваліднасцю. Так у Беларусі стартаваў праект па паляпшэнні паслуг па падтрыманні рэпрадуктыўнага здароўя людзей з асаблівасцямі.


Абсталяванне закупляецца ў межах сумеснай ініцыятывы Фонду ААН у галіне народанасельніцтва і сеткі Глабальнага дагавора ААН у Беларусі, офісам якога з'яўляецца мясцовы сацыяльны фонд «Добра».

— Праект дапаможа атрымліваць медыцынскія паслугі не толькі жанчынам з інваліднасцю, але і тым, хто атрымаў траўму ці па стане здароўя не можа скарыстацца звычайным гінекалагічным крэслам, — кажа дырэктар мясцовага сацыяльнага фонду «Добра», дырэктар сеткі Глабальнага дагавора ААН у Беларусі Аляксандр Скрабоўскі. — Гэта першы крок у вялікім праекце і прыклад узаемадзеяння бізнесу, дзяржавы і міжнародных і лакальных некамерцыйных арганізацый.

— Без такога крэсла даводзілася адчуваць вялікія складанасці. Напрыклад, прасіць кагосьці падняць ці зняць з крэсла падчас наведвання ўрача. Па зразумелых прычынах гэта выклікае дыскамфорт, — тлумачыць Міс свету — 2017 на інваліднай калясцы Аляксандра Чычыкава. — Новае абсталяванне дасць магчымасць жанчынам з інваліднасцю без сарамлівасці наведваць доктара. Дасягненне безбар'ернага асяроддзя — важны крок на шляху развіцця любога грамадства.

Сучасныя гінекалагічныя крэслы, якія дазваляюць атрымліваць якасную медыцынскую дапамогу ў тым ліку і людзям з інваліднасцю, з часам будуць устаноўлены і ў іншых клініках — спачатку абласных, а затым і раённых.

Алена КРАВЕЦ

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.