Вы тут

Крызісную псіхалогію абмяркуюць на міжнароднай канферэнцыі ў БДПУ


16-17 мая ў Беларускім дзяржаўным педагагічным універсітэце імя М. Танка пройдзе міжнародная навукова-практычная канферэнцыя “Псіхалогія і жыццё: актуальныя праблемы крызіснай псіхалогіі". Яна стане першай у Беларусі канферэнцыяй па дадзеным профілі.


Больш за 110 вядучых навукоўцаў і практыкаў з васьмі краін свету (Беларусі, Расіі, Украіны, Азербайджана, Ізраіля, Літвы, Латвіі і Польшчы) абмяркуюць актуальныя пытанні аказання псіхалагічнай дапамогі ў крызісных сітуацыях. У цэнтры іх увагі будуць такія з'явы, як перажыванне гора, суіцыд, булінг, тэрарызм і іншыя.

— Ад крызісных падзей ніхто не абаронены, таму важна быць гатовым да пераадолення іх наступстваў. Несвоечасовая псіхалагічная дапамога або яе адсутнасць могуць прывесці да псіхалагічных траўм і, як следства, стаць перашкодай для далейшага паўнавартаснага жыцця, — падкрэслівае крызісны псіхолаг, кандыдат псіхалагічных навук, загадчык кафедры сацыяльнай і сямейнай псіхалогіі Інстытута псіхалогіі БДПУ Наталля Пузырэвіч.

Тэматычнае поле канферэнцыі ахоплівае праблемы крызіснай (экстрэмальнай) псіхалогіі; псіхічны стан чалавека ў крызісных (экстрэмальных) сітуацыях, крытэрыі і стратэгіі дапамогі; праблемы сацыяльна-псіхалагічнай адаптацыі і псіхалагічнай рэабілітацыі людзей, якія перажылі крызісныя падзеі; псіхалагічную дапамогу сям'ям у крызісных сітуацыях; праблемы псіхалагічнай бяспекі адукацыйнага асяроддзя; сістэмны падыход да ўзаемадзеяння псіхалагічных і медыцынскіх службаў у рабоце з анкапацыентамі, псіхалагічную дапамогу спецыялістам, якія працуюць з людзьмі ў крызісных (экстрэмальных) сітуацыях.

Арганізатарам канферэнцыі выступае Інстытут псіхалогіі БДПУ, суарганізатарамі — факультэт псіхалогіі Маскоўскага дзяржаўнага ўніверсітэта імя М.В. Ламаносава, факультэт экстрэмальнай псіхалогіі Маскоўскага дзяржаўнага псіхолага-педагагічнага ўніверсітэта, факультэт грамадскага здароўя Ціхаакіянскага дзяржаўнага медыцынскага універсітэта, Інстытут псіхалогіі Уральскага дзяржаўнага педагагічнага універсітэта, Цэнтр падтрымкі анкапацыентаў  “У імя жыцця”.

Надзея НІКАЛАЕВА

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.