Вы тут

Беларусь прайшла ў фінал конкурсу «Еўрабачанне-2019»


У Тэль-Авіве прайшоў першы паўфінал 64-га міжнароднага конкурсу песні «Еўрабачанне». За 10 пуцёвак у фінал спаборнічалі 17 удзельнікаў — прадстаўнікі Кіпра, Чарнагорыі, Фінляндыі, Польшчы, Славеніі, Чэхіі, Венгрыі, Беларусі, Сербіі, Бельгіі, Грузіі, Аўстраліі, Ісландыі, Эстоніі, Партугаліі, Грэцыі і Сан-Марына.


Акрамя канкурсантаў, у шоу выступіла леташняя трыумфатарка Нета Базілай з новай версіяй сваёй песні Toy, а таксама эпатажная пераможца «Еўрабачання-1998» Дана International. А падчас падліку галасоў арганізатары шоу абвясцілі, калі адбудзецца наступны, 17-ы па ліку, дзіцячы конкурс «Еўрабачанне» — ён пройдзе ў польскім горадзе Глівіцэ 24 лістапада гэтага года пад дэвізам Share the joy — «Падзяліся радасцю».

Па суме балаў, атрыманых артыстамі ад нацыянальных журы і тэлегледачоў, у топ-10 увайшлі (ў парадку абвяшчэння): Грэцыя, Беларусь, Сербія, Кіпр, Эстонія, Чэхія, Аўстралія, Ісландыя, Сан-Марына і Славенія.

Поўная раскладка галасавання будзе апублікаваная на афіцыйным сайце конкурсу пасля фіналу, у ноч на 19 мая. А мы рыхтуемся наноў паслухаць прадстаўніцу Беларусі ЗЕНУ ў фінале 18 мая — і спадзявацца на высокае месца ў выніковай табліцы, насуперак песімізму букмекераў.

Вікторыя ЦЕЛЯШУК

Фота: eurovision.tv, відэа: YouTube-канал Eurovision Song Contest

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Культура

«Беларусьфільм» паказаў свой найцікавейшы фільм за апошні час. Ён пра вайну

«Беларусьфільм» паказаў свой найцікавейшы фільм за апошні час. Ён пра вайну

«Як думаеш, а заўтра нехта пра нас успомніць?» — пытаецца на вялікім экране адзін ветэран у другога і атрымлівае абнадзейлівы адказ. 

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.