Мерапрыемства разгорнецца на пляцоўцы Парку высокіх тэхналогій. За галоўны прыз пазмагаюцца распрацоўшчыкі 28 праектаў. Аўтарамі ініцыятыў выступілі старшакласнікі і маладыя спецыялісты з Мінскай, Гомельскай, Брэсцкай і Гродзенскай абласцей. Свае рашэнні прадэманструюць таксама студэнты БДУ, БДУІР, Беларускага дзяржаўнага ўніверсітэта транспарту, Гомельскага дзяржаўнага ўніверсітэта імя Ф. Скарыны і Беларускага дзяржаўнага ўніверсітэта культуры і мастацтваў.
Сярод праектаў, што выйшлі ў фінал, прафарыентацыя ў віртуальнай рэальнасці "Праф VR” ад магістранта БДУІР Дзмітрыя Дубінініна. Яго ініцыятыва прадугледжвае віртуальнае мадэляванне прафесійнага асяроддзя, у якім кожны жадаючы зможа “прымерыць” на сябе ролю таго ці іншага спцыяліста. Другакурснік эканамічнага факультэта БДУ Аляксандр Уласевіч прадставіць праект “Аквапоніка” . Увогуле студэнты Белдзяржуніверсітэта прэзентуюць пяць сваіх стартапаў.
Канкурсантам трэба будзе прэзентаваць праекты з дэталізаваным бізнес-планам, які ўключае задачы, каштарыс і мяркуемы тэрміны рэалізацыі. Абарона будзе праходзіць перад патэнцыяльнымі інвестарамі, якія ацэняць значнасць і эфектыўнасць стартапаў.
Лепшыя распрацоўкі вызначаць у 16 намінацыях: “фінансавыя і адукацыйныя тэхналогіі”, “разумны горад”, “дапоўненая і віртуальная рэальнасць”, “штучны інтэлект і машыннае навучанне”, “сацыяльнае прадпрымальніцтва” і іншых.
Галоўным прызам стане фінансавая падтрымка для прасоўвання праекта. Таксама члены каманды, якая перамагла, атрымаюць магчымасць прайсці навучанне ў адной з найбуйнейшых IT-кампаній Беларусі.
Усе фіналісты конкурсу на працягу месяца працавалі з ментарамі, наведвалі майстар-класы вядучых беларускіх прадпрымальнікаў, інвестараў, дзе даведаліся пра механізмы стварэння паспяховага стартапа і фарміраванні сваёй каманды.
Усяго ў адборачных турах конкурсу было разгледжана каля 40 праектаў.
Арганізатарам конкурсу выступіў эканамічны факультэт БДУ.
Надзея НІКАЛАЕВА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.