Вы тут

Савет Рэспублікі наведалі прадстаўнікі буйных кампаній КНР


Гадавы абарот кітайскага аператара нерухомасці Shіmao Group складае каля 9 мільярдаў долараў, а старшыня савета яе дырэктараў Сю Жунмаа займае 22 месца ў кітайскім спісе Forbes і 160 радок у сусветным рэйтынгу самых багатых людзей па версіі часопіса. Менавіта гэты чалавек, які да таго ж з'яўляецца кіраўніком Канфедэрацыі кітайскіх прадпрымальнікаў-рээмігрантаў, членам пастаяннага камітэта Усекітайскага камітэта Народнага палітычнага кансультатыўнага савета Кітая і дарадцам Усекітайскай федэрацыі эмігрантаў, а таксама дзесяць іншых буйных бізнесменаў КНР сустрэліся са старшынёй Савета Рэспублікі Нацыянальнага сходу Беларусі Міхаілам Мясніковічам у рамках двухдзённага візіту ў Беларусь.


Старшыня Савета Рэспублікі заўважыў, што нядаўні саміт у Пекіне адкрывае новую старонку як шматбаковага, так і двухбаковага супрацоўніцтва. «Каштоўнасць нашай сустрэчы для мяне заключаецца яшчэ і ў тым, што я разам з калегамі па парламенцкай дзейнасці сустракаюся ўпершыню з такімі кіраўнікамі сучаснага Кітая, — дадаў спікер верхняй палаты беларускага парламента. — Я шмат чуў і чытаў добрага пра Усекітайскі камітэт Народнага палітычнага кансультатыўнага савета Кітая і пра Канфедэрацыю кітайскіх прадпрымальнікаў-рээмігрантаў, але пачуць пра іх з першых вуснаў, канешне, дарагога варта».

Міхаіл Мясніковіч выказаў меркаванне, што ў Беларусі з Кітаем добрая перспектыва супрацоўніцтва і прапанаваў сумесна абмеркаваць яго канкрэтныя механізмы.

У сваю чаргу Старшыня савета дырэктараў Shіmao Group спадар Сю Жунмаа паведаміў, што за два дні візіту інтарэс кітайскіх бізнесменаў да Беларусі як партнёрскага рэгіёна ўзмацніўся. «Мы ўбачылі, што ў нашым супрацоўніцтве маецца вельмі вялікая ўзаемадапаўняльнасць. Беларусь вылучае выгаднае геаграфічнае становішча, гэта буйны і важны транспартны вузел у Еўраазіяцкім рэгіёне, мы маглі б выкарыстаць гэтую перавагу, каб здабыць максімальную карысць у гандлёвым, эканамічным і гуманітарным супрацоўніцтве», — сказаў ён.

Вольга МЯДЗВЕДЗЕВА

Загаловак у газеце: Бізнес плюс культура

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Культура

«Беларусьфільм» паказаў свой найцікавейшы фільм за апошні час. Ён пра вайну

«Беларусьфільм» паказаў свой найцікавейшы фільм за апошні час. Ён пра вайну

«Як думаеш, а заўтра нехта пра нас успомніць?» — пытаецца на вялікім экране адзін ветэран у другога і атрымлівае абнадзейлівы адказ. 

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.