Вы тут

Віртуальныя алімпіяды становяцца папулярнымі ў вучняў


У Нацыянальным інстытуце адукацыі ўзнагародзілі пераможцаў рэспубліканскай інтэрнэт-алімпіяды па вучэбным прадмеце «Астраномія». У ёй прынялі ўдзел больш за 1200 навучэнцаў IX-XI класаў устаноў агульнай сярэдняй адукацыі, I-II курсаў сярэдняй спецыяльнай і прафесійна-тэхнічнай адукацыі.


Інтэрнэт-алімпіяда праводзілася ў два этапы: дыстанцыйны (завочны) і вочны. Кожны этап уключаў два туры: I і II туры дыстанцыйнага этапа адбыліся 19 і 26 сакавіка 2019 года, а I і II туры вочнага этапу — 26 красавіка 2019 года.

Паводле слоў дырэктара Нацыянальнага інстытута адукацыі Валянціны Гінчук, інтэрнэт-алімпіяды сёння атрымліваюць усё большую папулярнасць.

У вочным этапе прынялі ўдзел 16 пераможцаў дыстанцыйнага этапа інтэрнэт-алімпіяды — навучэнцы IХ-XI класаў устаноў агульнай сярэдняй адукацыі з розных рэгіёнаў Беларусі: Віцебска, Жодзіна, Клецка, Лепеля, Мінска, Нясвіжа, Оршы, Полацка, аг. Цiманава і в. Новая Антонаўка Клімавіцкага раёна, в. Альхоўка Астравецкага раёна.

У першым туры вочнага этапу ўдзельнікам трэба было вырашыць пяць астранамічных задач, у другім навучэнцы абаранялі творчыя праекты, якія былі падрыхтаваныя загадзя.

Дыплома I ступені была ўдастоена дзесяцікласніца гімназіi № 35 г. Мінска Арына Новік, другое месца падзялілі навучэнец 9 класа Цiманаўскай сярэдняй школы Клімавіцкага раёна (Магілёўскай вобласцi) Сцяпан Бульбянкоў і Наталля Сухавей, вучаніца 11 класа сярэдняй школы № 1 г. Полацка (Віцебскай вобл. ). Дыпломы III ступені атрымалі: навучэнка 11 класа школы № 5 г. Жодзіна (Мінская вобл.) Надзея Казеева, навучэнка 11 класа школы № 4 г. Нясвіжа (Мінская вобл.) Мамчыц Ксенія і Данііл Стральцоў, навучэнец 11 класа гімназіі г. Клецка ( Мінская вобл.).

Каштоўныя падарункі ўручылі партнёры мерапрыемства: выдавецтва «Аверсэв» і Беларуская асацыяцыя «Конкурс».

Фота Андрэя САЗОНАВА

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.