Вы тут

Рэспубліканская дошка Гонару ўпісала новых пераможцаў


Сёлета ўпершыню была вызначана новая дата афіцыйнага адкрыцця абноўленай дошкі напярэдадні Свята працы
На плошчы Дзяржаўнага сцяга ў апошні дзень красавіка адбыўся мітынг, падчас якога адзначалі пераможцаў рэспубліканскага спаборніцтва па выніках працы за 2018 год. Ва ўрачыстай абстаноўцы ўшаноўвалі тыя прадпрыемствы і арганізацыі, якія дасягнулі найлепшых паказчыкаў у сферы сацыяльна-эканамічнага развіцця. 


Як адзначыў падчас мітынгу першы намеснік прэм’ер-міністра краіны Аляксандр Турчын, мінулы год быў няпростым у эканамічным плане. «Разам з тым нам удалося выканаць 7 з 8 ключавых паказчыкаў прагнозу сацыяльна-эканамічнага развіцця. Летась эканоміка краіны працягнула тэндэнцыю росту. Аб’ём валавога ўнутранага прадукту вырас на 3 %. За мінулы трохгадовы перыяд эканоміка вытрымлівае параметры, якія вызначаны праграмай пяцігодкі. Практычна ўсе ключавыя галіны забяспечылі эканамічны рост», — сказаў першы віцэ-прэм’ер. Паводле яго слоў, асноўным драйверам эканомікі застаецца прамысловасць. Па выніках мінулага года аб’ём прамысловай вытворчасці павялічыўся на 5,7 %. Упэўнена дадае IT-сектар: рост агульнай выручкі рэзідэнтаў ПВТ склаў рэкордныя 47 %. Экспарт паслуг — 1,4 млрд долараў.

Аляксандр Турчын заўважыў, што на знешніх рынках дасягнуты значны прагрэс. У мінулым годзе экспарт вырас амаль на 15 % пры станоўчым сальда знешняга гандлю каля 700 млн долараў. «А гэта адзін з найлепшых паказчыкаў за апошнія 25 гадоў», — адзначыў спікер. У першым квартале гэтага года эканоміка працягнула паступальны рух наперад. Выконваюцца практычна ўсе ключавыя паказчыкі. У краіне забяспечваецца макраэканамічная стабільнасць. Інфляцыя захоўваецца ў межах запланаваных значэнняў.

Асобна спыніўся першы намеснік прэм’ер-міністра краіны на рэальным становішчы працоўных калектываў. У прыватнасці, ён адзначыў, што ў эканоміку краіны паступіла 5,2 млрд рублёў інвестыцый. Станоўчыя вынікі эканамічнага развіцця дазваляюць забяспечыць далейшае павелічэнне рэальных грашовых даходаў насельніцтва. Сярэдняя заработная плата за тры месяцы перавысіла 1 тысячу рублёў. Акцэнт на яе далейшае павелічэнне будзе зроблены перш за ўсё ў дачыненні да нізкааплатных катэгорый грамадзян. 

У цырымоніі адкрыцця абноўленай Рэспубліканскай дошкі Гонару прынялі ўдзел першы намеснік міністра эканомікі Аляксандр Чарвякоў, кіраўнікі і прадстаўнікі працоўных калектываў, мясцовых выканаўчых і распарадчых органаў, якія сталі пераможцамі спаборніцтва.

Па выніках працы за мінулы год на Рэспубліканскую дошку Гонару занесены 59 пераможцаў спаборніцтва: адміністрацыйна-тэрытарыяльныя адзінкі і прадпрыемствы. Многія калектывы гарадоў і раёнаў краіны, арганізацыі і прадпрыемствы праявілі стараннасць, ініцыятыву, зладжанасць у працы, змаглі аператыўна рэагаваць на знешнія і ўнутраныя фактары, паказалі годныя вынікі фінансава-гаспадарчай дзейнасці.

Так, сярод адміністрацыйна-тэрытарыяльных адзінак лепшымі прызнаныя: горад Мінск, Гродзенская і Мінская вобласці. Сярод раёнаў былі адзначаны: Магілёўскі раён Магілёўскай вобласці, Астравецкі раён Гродзенскай вобласці, Мінскі раён Мінскай вобласці, Мазырскі раён Гомельскай вобласці і Брэсцкі раён Брэсцкай вобласці. Лепшымі раёнамі ў гарадах былі абраныя — Савецкі і Першамайскі раёны Мінска, Ленінскі раён Брэста.

Трапілі на Дошку гонару буйныя прадпрыемствы, якія падпарадкоўваюцца рэспубліканскім органам дзяржаўнага кіравання. Гэта завод аўтамабільных прычэпаў і кузаваў «МАЗ-КУПАВА», кампанія «БЕЛАЗ» і акцыянернае таварыства «Гродзенская тытунёвая фабрыка «Нёман». Занясенне на Рэспубліканскую дошку Гонару накіравана на заахвочванне лепшых рэгіёнаў і арганізацый рэспублікі і пацвярджае грамадскае прызнанне працы грамадзян і калектываў прадпрыемстваў, якія ўнеслі важкі ўклад у сацыяльна-эканамічнае развіццё і павышэнне дабрабыту краіны.

У тэму

У бягучым годзе ў адпаведнасці з указам № 47 ад 12 лютага 2019 года выбар пераможцаў праводзіўся згодна з абноўленымі правіламі спаборніцтваў. Па-першае, змянілася колькасць намінацый. Два напрамкі — сфера сацыяльна-эканамічнага развіцця і эканомія рэсурсаў — аб’яднаныя ў адзін. На Рэспубліканскую дошку Гонару ўпершыню занесены лепшыя арганізацыі сацыяльнага абслугоўвання.

Сяргей КУРКАЧ

Фота БЕЛТА

Выбар рэдакцыі

Грамадства

Што трэба, каб пражыць даўжэй?

Што трэба, каб пражыць даўжэй?

Герыятр распавядае пра сакрэты доўгажыхароў і тое, што падаўжае наша жыццё.

Культура

«Беларусьфільм» паказаў свой найцікавейшы фільм за апошні час. Ён пра вайну

«Беларусьфільм» паказаў свой найцікавейшы фільм за апошні час. Ён пра вайну

«Як думаеш, а заўтра нехта пра нас успомніць?» — пытаецца на вялікім экране адзін ветэран у другога і атрымлівае абнадзейлівы адказ. 

Спорт

З агнём Еўрапейскіх гульняў карэспандэнт «Звязды» адправілася ў кар’еры

З агнём Еўрапейскіх гульняў карэспандэнт «Звязды» адправілася ў кар’еры

Сярод 450 шчасліўчыкаў, якім даверана несці факел з агнём ІІ Еўрапейскіх гульняў, аказалася наша Дар'я Лабажэвіч.

Грамадства

Будні сельскага ўрача

Будні сельскага ўрача

З якімі наступствамі аптымізацыі прыходзіцца яму сутыкацца падчас работы.