Вы тут

Чым жывуць сучасныя медыя?


Больш як 500 сродкаў масавай інфармацыі будуць прадстаўлены на ХХІІІ Міжнароднай спецыялізаванай выстаўцы «СМІ ў Беларусі». Як расказаў журналістам міністр інфармацыі Аляксандр Карлюкевіч, на медыяфоруме наведвальнікі змогуць пазнаёміцца з найноўшымі тэндэнцыямі, тэматычнымі кірункамі і тэхналогіямі друкаваных і анлайн-СМІ, тэле- і радыёканалаў не толькі з Беларусі, але таксама з Расіі, Украіны, Літвы, Латвіі, Казахстана, Узбекістана, Кітайскай Народнай Рэспублікі.


На асобным стэндзе, падрыхтаваным з дапамогай Упаўнаважанага па справах рэлігій і нацыянальнасцяў, будуць прэзентаваныя СМІ дыяспар. Сярод іншых адметнасцяў сёлетняй выстаўкі — правядзенне 3 мая першага тэматычнага Дня піяра, а таксама шырокая прэзентацыя сеткавых СМІ (са снежня 2018 года іх ужо зарэгістравана ў Беларусі звыш 10), сярод якіх інтэрнэт-выданне «Медыяна.by», заснаванае сумесна факультэтам журналістыкі БДУ, Міністэрствам інфармацыі і Грамадскім прэс-цэнтрам Дома прэсы.

Ужо традыцыйна менавіта на выстаўцы будуць уручаны ўзнагароды пераможцам у 23 намінацыях прафесійнага конкурсу «Залатая літара» — сёлета на ўдзел у ім паступіла звыш 330 заявак. «Сёлета ў нас працавала новае журы, і магу вас запэўніць, што эксперты падрабязна разгледзелі ўсе работы, найлепшыя з якіх будуць адзначаны 3 мая», — расказаў Аляксандр Карлюкевіч.

Цэнтральнымі тэмамі медыяфоруму стануць ужо вельмі блізкія ІІ Еўрапейскія гульні, сучасныя інтэрнэт-тэхналогіі, адраджэнне малой радзімы, а таксама, безумоўна, 75-годдзе вызвалення Беларусі ад нямецка-фашысцкіх захопнікаў.

Дарэчы, з дапамогай РУП «Белпошта» непасрэдна на выстаўцы можна будзе падпісаць паштоўкі і карткі для ветэранаў — вестачкі са словамі падзякі і добрымі пажаданнямі вызваліцелям ад нашчадкаў супрацоўнікі пошты бясплатна даставяць ва ўсе куткі Беларусі.

Вікторыя ЗАХАРАВА

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.