Вы тут

Прайшоў шашачны турнір памяці вядомага беларускага шашыста Марата Гелера


У сталічнай СДЮШАР № 11 па шахматах і шашках прайшоў 11-ы традыцыйны шашачны турнір памяці вядомага беларускага шашыста Марата Гелера.


Сёлета турнір сабраў 32 удзельнікі з шэрагу гарадоў і абласцей Беларусі. За галоўны прыз турніру змагаліся тры міжнародныя гросмайстры, тры міжнародныя майстры, шэсць майстроў спорту, кандыдаты ў майстры і першаразраднікі. Спаборніцтвы праходзілі па швейцарскай сістэме ў сем тураў з жараб'ёўкай пачатковых хадоў і пазіцый. Усе ўдзельнікі гулялі мікра-матчы з двух партый з кантролем часу 20 хвілін на партыю кожнаму ўдзельніку.

Спонсары і арганізатары турніру прадугледзелі восем прызавых месцаў, а таксама месцы ў катэгорыі «ветэраны» і для найлепшых сярод дзяўчат і юнакоў. Літаральна з першага тура разгарнулася ўпартая і бескампрамісная барацьба.

Пераможцам турніру і ўладальнікам галоўнага прыза стаў 22-гадовы сталічны міжнародны майстар Аляксей Куніца, які набраў 10 ачкоў з 14 магчымых. Другім тут быў моцны майстар спорту з Віцебска Віталь Новікаў. Ён таксама набраў 10 ачкоў, але стаў другім з-за горшага каэфіцыента. Трэцім фінішаваў 18-гадовы міжнародны гросмайстар Міхаіл Семянюк з Мінска, які таксама набраў 10 ачкоў.

Найлепшым сярод ветэранаў быў прызнаны шматдосведны 78-гадовы сталічны майстар спорту Вячаслаў Палянскі, які набраў 7 ачкоў і заняў 16 месца ў выніковай табліцы. Сярод дзяўчат найлепшай была прызнаная сталічная спартсменка, міжнародны майстар Анастасія Барышава. Яна набрала 8 ачкоў і заняла 11-е месца ў выніковым пратаколе. Найлепшым сярод юнакоў быў прызнаны кандыдат у майстры спорту Аляксей Валюк з Ваўкавыска, які набраў 9 ачкоў і заняў 9-е месца ў выніковай табліцы.

Уся васьмёрка прызёраў гэтага турніру, а таксама найлепшыя сярод ветэранаў, сярод дзяўчат і сярод юнакоў былі ўзнагароджаны грашовымі прызамі.

Яўген Салановіч, майстар спорту

Загаловак у газеце: Арганізацыя і правядзенне — на выдатна

Выбар рэдакцыі

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %. 

Грамадства

У Мінску прайшоў фінал ІV Рэспубліканскага конкурсу «Сям'я года»

У Мінску прайшоў фінал ІV Рэспубліканскага конкурсу «Сям'я года»

Самыя актыўныя і пазітыўныя шматдзетныя сем'і з усіх абласцей краіны сабраліся ў сталічным Палацы культуры прафсаюзаў.

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску.