Пра маладнякоўцаў-малойцаў

На хвалі часу, у плыні жыцця

Праект Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва, часопіса «Маладосць»

Пра маладнякоўцаў-малойцаў

Непаўторны паэт і літаратуразнаўца Віктар Жыбуль 25 красавіка так сакавіта і па-вясноваму распавядаў пра ТАВІЗ, што захацелася стварыць ТАВІЗ-2, бо і кавярняў у Мінску хапае, і ўтульных пабаў, дзе за філіжанкай кавы ці за куфлем піва можна шмат чаго наабмяркоўваць у творчай і самай шчырай атмасферы сяброў і адначасова таленавітых творцаў. 

Невядома, можа ўслед за "Новымойчанашам" Валерыя Маракова хтосьці б у жарт напісаў "Новыхвалаайцу". Канечне ж, у жарт. Бо чым сябе не пабавіш, калі пачынаюцца цяжкія часы ў грамадстве...  А якраз тады (1930-ыя), калі паўстала Таварыства аматараў выпіць і закусіць (ТАВІЗ) — аб'яднанне, так скажам, апазіцыйных афіцыёзу літаратараў, гэтых хлапцоў-ТАВІЗаўцаў і многіх беларусаў чакалі трагічныя моманты, некаторых — смерць.

П.С. Лекцыю пра гісторыю неверагоднага  аб'яднання Віктар Жыбуль, вядучы навуковы супрацоўнік архіва-музея літаратуры і мастацтва, чытаў у Дзяржаўным музеі гісторыі беларускай літаратуры, працягваючы цыкл мерапрыемстваў, прысвечаных слаўным маладнякоўцам у межах праекта "На хвалі часу, у плыні жыцця".

Шаноўныя чытачы, такія лекцыі і мерапрыемствы пра разынкі 1930-ых, няхай і з горыччу разынкі, будуць працягвацца і далей. Сачыце за навінамі! Даведайцеся як мага больш пра маладнякоўцаў-малойцаў з дапамогай “праекта чатырох”, арганізаванага Нацыянальнай бібліятэкай Бнларусі, Дзяржаўным музеем гісторыі беларускай літаратуры, архівам-музеем літаратуры і мастацтва і Выдавецкім домам “Звязда”, а ў прыватнасці, часопісам “Маладосць”.

Аксана ЮЧКАВІЧ, “М”