21 верасня, панядзелак

Вы тут

У Васілісы і Анфісы з'явілася сяброўка Маша


На ўскрайку лесу каля вёскі Жасцінае, што ў Лагойскім раёне, днямі знайшлі маленькае медзведзяня. Яго выпадкова заўважыў мясцовы жыхар і патэлефанаваў у Лагойскі раённы аддзел унутраных спраў, раённы аддзел па надзвычайных сітуацыях, а таксама ў інспекцыю прыродных рэсурсаў і аховы навакольнага асяроддзя.


У раёне была створана камісія, прадстаўнікі якой выехалі на месца. Спецыялісты вызначылі, што малому ўсяго паўтара месяца. І яно не можа пра сябе паклапаціцца. Што сталася з яго маці, невядома, разгадаць гэтую таямніцу спрабуюць паляўніцтвазнаўцы. Немаўля перадалі ў заасад цэнтра экалагічнага турызму «Станькава».

— Медзведзяня агледзелі ветурачы. Яно здаровае, аднак вельмі худое, відаць, доўга галадала, — расказаў «Звяздзе» загадчык заасада Міхаіл ТУРЫГІН.

— А куды паселіце новага жыхара?

— Вальер пакуль не ўладкавалі. Гуляе ў пакоі з нашымі работнікамі. Аказалася, што гэта дзяўчынка. Да нас яна ўжо прыехала з імем. У Лагойскім раёне яе назвалі Машай. Вельмі жвавая, актыўная наша Маша, — кажа Міхаіл Пятровіч. — Калі што не па ёй, то рыкае, можа і цапнуць.

«Звязда» некалькі гадоў таму пісала пра аналагічны выпадак. Два хлопцы ў Барысаўскім раёне ехалі на машыне і ўбачылі, што паўз поле з пасеянай грэчкай нехта бяжыць, напачатку думалі, гэта сабака. Выйшлі з кабіны, прыгледзеліся — медзведзяня. Малое забралі дадому і паведамілі пра гэта ў інспекцыю прыродных рэсурсаў і навакольнага асяроддзя. Яго прытулілі таксама ў Станькаве і назвалі Васілісай. Для яе зрабілі прасторны вальер з фантанам і дрэвам пасярэдзіне. Але Васіліса была надта баязлівая, хавалася ў кутку, не выходзіла нават есці. І тады работнікі заасада падсялілі да яе шчанюка Анфісу, якая дапамагла мядзведзіцы адаптавацца да нязвыклых умоў. Васіліса і Анфіса моцна пасябравалі і з таго часу жывуць дружна, як адна сям'я.

Таццяна ЛАЗОЎСКАЯ

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.