Суботнім ранкам каля вёскі Пестун у Пухавіцкім раёне высадзіўся сапраўдны працоўны дэсант. Работнікі Міністэрства інфармацыі і РГГА «Беларускае таварыства паляўнічых і рыбаловаў», а таксама прадстаўнікі мясцовых працоўных калектываў прынялі актыўны ўдзел у рэспубліканскім суботніку.
Прадстаўнікі сталіцы асвоілі тэхналогію пасадкі бярозы і сасны. Узброіўшыся мячамі Колесава і рыдлёўкамі, у хуткім часе яны прыступілі да высадкі сажанцаў у глебу. Надвор’е спрыяла добраму пачынанню, і працаўнікі даволі хутка адолелі плошчу ў два гектары.
У гэты дзень лясны фонд нашай краіны папоўніўся прыкладна сямю тысячамі сосен і трыма тысячамі бяроз. Аднак толькі пасадзіць — мала. Добрай лічыцца праца, калі не менш як 98 працэнтаў саджанцаў прыжывецца. Вось і паступіла прапанова налета таксама прыехать на дапамогу Пухавіцкаму лясгасу, а заадно і праверыць якасць выкананых сёння работ.
Андрэй САЗОНАЎ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
