Вы тут

Як зброя ператвараецца ў макеты


Пабачылі журналісты і ўдзельнікі семінара, прысвечанага Кіраўніцтву па перадавому вопыту АБСЕ ў галіне дэактывацыі лёгкай і стралковай зброі, наведаўшы цэх рамонту стралковай зброі ў 25-м арсенале населенага пункта Коласава. Тут баявыя “ПМ” і “АК” становяцца бяспечнымі макетамі для музеяў і здымак у кіно, якія знешне ўсё роўна выглядаюць як узбраенне.


У семінары ўзялі ўдзел 37 чалавек з 13 краін-удзельніц АБСЕ. Яны абмяняліся вопытам па дэактывацыі лёгкай і стралковай зброі, яе захавання і кантролю з мэтай папераджэння яе незаконнага абароту, які маецца ў кожнай з краін. Прадстаўнікі Міністэрства абароны Беларусі, якую арганізатары семінара называюць донарам міжнароднай бяспекі, змаглі не толькі расказаць пра напрацоўкі ў сферы дэактывацыі зброі, але і паказаць астатнім удзельнікам, як гэта адбываецца на практыцы.

У цэху, які першапачаткова будаваўся з мэтай рамонту зброі, старую стралковую амуніцыю пераробліваюць у макеты, якія канструктыўна падобныя да зброі. Штогод утылізацыяй, у тым ліку і пераабсталяваннем у макеты, у краіне канчаюць сваё баявое жыццё тысячы адзінак зброі.

Як заўважыў начальнік штаба ўзбраення Міністэрства абароны Беларусі генерал-маёр Андрэй ФЕДЗІН, улік зброі строга кантралюецца ад моманту выхаду баявых адзінак са склада да вяртання іх туды ўжо ў выглядзе макетаў. Так забяспечваецца захаванне зброі. Пры гэтым, “нягледзячы на існуючы электронны рэестр зброі, лепш за папяровыя носьбіты, на якія нельга здзейсніць атаку, яшчэ нічога не прыдумалі”, - падкрэсліў ён.

Неабарачальныя змены, якія поўнасцю выключаюць у далейшым магчымасць выкарыстаць зброю як баявую, уносяцца ў яе паэтапна. Кожная аперацыя пратакаліруецца і дакладна апісваецца, што падчас яе было зменена. Прысутныя пабачылі некаторыя адзінкі армейскага ўзбраення - пісталет-кулямёт Шпагіна, пісталеты Макарава, Токарава і нават вінтоўку, якая выраблялася ў канцы XIX — пачатку XX стагоддзя. Уся гэтая амуніцыя была прадстаўлена ў чатырох варыянтах: цэлая і разабраная баявая адзінка і сабраны і ў дэталях макет, які атрымаўся з гэтай зброі.

На кожным рабочым месцы выконваецца свая аперацыя. Самым першым на нашых вачах разабралі пісталет-кулямёт Шпагіна (ПКШ), на што спатрэбілася менш за хвіліну.

Наступным крокам адбываецца механічная апрацоўка затвораў і магазінаў. Тут у зброі зразаецца пярэдняя частка затвора і губка, якая фіксуе магазін.

Асобна апрацоўваюцца і драўляныя вырабы. Для прыкладу прысутным паказалі ложы вінтовак і прадэманстравалі, як з драўлянай часткі ПКШ здымаюць лак.

Грубая ачыстка металу, у прыватнасці ад карозіі, таксама адбываецца асобна на спецыяльным прыстасаванні з дротавымі шчоткамі, з дапамогай якіх здымаецца старое пакрыццё.

На ўчастку ўтылізацыі з тульнай часткі канала ствала ўварваюцца металічныя заглушкі. Пасля з дэталі на ўчастку шліфавання пасля зваркі здымаюць шламы і наплывы.

На яшчэ адным этапе змянення зброі з канала ствала здымаюцца нарэзы.

Чыставая апрацоўка паверхні металу — заключная аперацыя перад адпраўкай дэталяў на гальванічны ўчастак, пасля чаго яны збіраюцца ў макет. Атрыманыя ўзоры правяраюцца, унесеныя ў іх змены апісваюцца.

Удзельнікі семінара адзначылі адкрытасць беларускага боку ў плане паказу працэсу дэактывацыі ЛСЗ і карысць напрацаванай практыкі ў гэтым напрамку.

Мяркуецца, што наступнае падобнае мерапрыемства, магчыма, пройдзе ў Кыргызстане, куды Беларусь запрашаюць як удзельніка, які можа падзяліцца сваім вопытам у справе дэактывацыі ЛСЗ.

Ірына СІДАРОК

Фота Андрэя САЗОНАВА

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.