Намеснік старшыні Савета Рэспублікі Мар'яна Шчоткіна правяла сустрэчу з Надзвычайным і Паўнамоцным Паслом Грузіі ў Рэспубліцы Беларусь Валерыем Кварцхелія.
На сустрэчы абмяркоўваліся пытанні гандлёва-эканамічнага, інвестыцыйнага і гуманітарнага супрацоўніцтва, паведамілі ў Савеце Рэспублікі.
Беларусь і Грузія маюць неабходны патэнцыял для павелічэння аб'ёмаў узаемнага гандлю, развіцця прамысловай кааперацыі, адзначыла Мар'яна Шчоткіна. Адзін з прыкладаў паспяховага супрацоўніцтва — зборачная вытворчасць ліфтаў, адкрытая ў Тбілісі. Сёлета ў Грузіі ёсць намер запусціць сумесную вытворчасць па зборцы малых трактароў.
Падчас перагавораў разглядаліся таксама перспектывы двухбаковага партнёрства ў сельскай гаспадарцы, фармацэўтычнай галіне, гуманітарнай сферы і турызме. Акрамя таго, абмяркоўваліся пытанні арганізацыі работы па дасягненні Мэт устойлівага развіцця. Асаблівую ўвагу бакі аддалі развіццю міжпарламенцкіх сувязяў і ролі парламенцкага вымярэння ва ўмацаванні беларуска-грузінскага супрацоўніцтва. Размова таксама ішла аб рэалізацыі дамоўленасцяў, дасягнутых падчас візіту віцэ-спікера верхняй палаты беларускага парламента ў Грузію ў снежні мінулага года, калі Мар'яна Шчоткіна брала ўдзел у цырымоніі інаўгурацыі Прэзідэнта Грузіі Саламэ Зурабішвілі. Нагадаем, што ў рамках леташняга візіту адбыліся рабочыя сустрэчы з прэм'ер-міністрам, спікерам парламента і міністрам замежных спраў Грузіі.
Член Пастаяннай камісіі Савета Рэспублікі па міжнародных справах і нацыянальнай бяспецы, кіраўнік рабочай групы Нацыянальнага сходу па супрацоўніцтве з парламентам Вялікабрытаніі Алег Румо правёў сустрэчу з членам камітэта Палаты лордаў парламента Вялікабрытаніі па справах Еўрапейскага саюза, падкамітэта па знешніх сувязях баранесай Элісан Мэры Суці.
Як паведамляе прэс-служба Савета Рэспублікі, бакі абмеркавалі актуальныя пытанні далейшага супрацоўніцтва, асаблівую ўвагу аддалі ўзаемадзеянню ў медыцыне, адукацыі і навуцы.
Умацаванне парламенцкіх сувязяў спрыяе актывізацыі партнёрства паміж краінамі па розных напрамках — ад палітыкі, эканомікі да гуманітарных праектаў, адзначыў Алег Румо. Паводле яго слоў, у Беларусі і Вялікабрытаніі ёсць шмат сфер, якія ўяўляюць узаемную цікавасць. Летась Мінск наведала парламенцкая дэлегацыя Вялікабрытаніі, прайшлі перагаворы ў Савеце Рэспублікі, дзе абмяркоўваліся канкрэтныя сумесныя праекты. «Сённяшняя сустрэча — гэта працяг нашага плённага ўзаемадзеяння з калегамі», — падкрэсліў ён.
Алег Румо праінфармаваў аб дзейнасці Савета Рэспублікі, структуры беларускага парламента, спыніўся на пытаннях міжнароднага супрацоўніцтва. У сваю чаргу Элісан Мэры Суці расказала аб сваім наведванні Белдзяржуніверсітэта і сустрэчы з беларускімі студэнтамі ў рамках візіту ў Мінск. У цэлым для дзвюх краін важна абменьвацца вопытам у розных сферах. Парламенцкае ўзаемадзеянне спрыяе гэтым працэсам, падкрэсліла яна.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.