Жаданне зрабіць свой горад і раён чысцейшым і прыгажэйшым зноў аб'яднала калінкавічан, якія прынялі ўдзел у раённым суботніку, прысвечаным Году малой радзімы і 75-годдзю вызвалення Беларусі ад нямецка-фашысцкіх захопнікаў.
Як паведамляюць «Калінкавіцкія навіны», рашэнне правесці суботнік было прынята на чарговай сесіі раённага Савета дэпутатаў. Асноўная мэта — навядзенне парадку на зямлі, а таксама збор грашовых сродкаў для добраўпарадкавання населеных пунктаў раёна.
У першым вясновым суботніку прынялі ўдзел больш за 10 тысяч жыхароў. У іх ліку — прадстаўнікі адміністрацыі раёна, работнікі жыллёва-камунальных службаў, арганізацый і прадпрыемстваў, навучэнцы каледжа і ліцэя, школ.
Усе яны выйшлі папрацаваць на карысць сваёй малой радзімы: займаліся прыборкай могілак, паркаў і сквераў, добраўпарадкаваннем тэрыторый і пасадкай лесу.
Асаблівую ўвагу аддалі навядзенню парадку на мехдварах і жывёлагадоўчых комплексах сельгаспрадпрыемстваў раёна. На дапамогу вяскоўцам прыйшлі брыгады з працоўных калектываў горада.
Дарэчы, мінулы суботнік не стаў завяршальным акордам дзейнасці ў гэтым напрамку: працягваюцца работы па наданні прывабнага выгляду жывёлагадоўчым фермам, мехдварам і іншым аб'ектам сельгаспрадпрыемстваў, арганізацый і ўстаноў раёна.
Як паведаміла начальнік аддзела эканомікі райвыканкама Святлана ЛАТЫШ, агульнымі намаганнямі жыхароў раёна, якія пажадалі прыняць удзел у суботніку, было зароблена больш за 50 тысяч рублёў. Усю гэтую суму выдаткуюць на далейшае развіццё і добраўпарадкаванне Калінкавіцкага раёна.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.