Алкаголь, які не выклікае пахмелле, з'явіцца ў продажы ў найбліжэйшыя пяць гадоў. Пра гэта газеце Guаrdіаn расказаў распрацоўшчык прадукту, прафесар Імперскага каледжа Лондана і навуковы супрацоўнік Хамерсмітскай бальніцы Дэвід Нат.
Яго вынаходніцтва, сінтэтычны спірт Аlсаrеllе, дазваляе адчуць ап'яненне, але не выклікае такіх наступстваў, як інтаксікацыя. Цяпер Нат спрабуе ўдасканаліць формулу, каб пазбавіцца ад «не вельмі прыемнага» смаку.
Нат вынайшаў сінтэтычны спірт яшчэ ў 1983 годзе, працуючы над вывучэннем уплыву алкаголю на рэцэптары для лячэння хвароб цэнтральнай нервовай сістэмы. Аlсаrеllе, верагодна, будзе рэгулявацца як харчовы дадатак або інгрэдыент, таму праводзяцца не клінічныя выпрабаванні, а тэставанне на бяспеку. Прадукт яшчэ не прайшоў гэтую працэдуру, так што, наракае навуковец, пакуль прадэгуставаць яго можна толькі ў лабараторыі Ната. Таксама, каб атрымаць адабрэнне ад рэгулюючых органаў, вытворцу трэба прадставіць гатовы напой. Аўтар формулы аб'яднаўся з навукоўцамі-дыетолагамі для вырашэння гэтай задачы, якая звычайна займае каля трох гадоў, але з-за ўнікальнасці Аlсаrеllе гэта можа заняць больш часу.
Іван КУПАРВАС
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
