Вы тут

Інстытут прэзідэнцтва ў кантэксце 25-годдзя беларускай Канстытуцыі


У прэс-цэнтры Дома прэсы адбыўся круглы стол на тэму «Канстытуцыі — 25. Інстытут прэзідэнцтва як гістарычна і палітычна абгрунтаваная найбольш аптымальная для Беларусі мадэль кіравання дзяржавай», суарганізатарам якога выступіў Выдавецкі дом «Звязда».


У абмеркаванні ўзялі ўдзел старшыні трох камісій Палаты прадстаўнікоў Нацыянальнага сходу Беларусі: Пастаяннай камісіі па адукацыі, культуры і навуцы — доктар гістарычных навук Ігар МАРЗАЛЮК, Пастаяннай камісіі па заканадаўству — Наталля ГУЙВІК, Пастаяннай камісіі па дзяржаўнаму будаўніцтву, мясцоваму самакіраванню і рэгламенту Леанід ЦУПРЫК, а таксама дэкан факультэта філасофіі і сацыяльных навук БДУ Вадзім ГІГІН, загадчык кафедры канстытуцыйнага права юрыдычнага факультэта БДУ Рыгор ВАСІЛЕВІЧ, загадчык аддзела гістарыяграфіі і метадаў гістарычнага даследавання Інстытута гісторыі НАН Беларусі, кандыдат гістарычных навук, дацэнт Ірына ЖЫЛІНСКАЯ і загадчык адзела навейшай гісторыі Інстытута гісторыі НАН Беларусі Сяргей ТРАЦЦЯК. Мадэратарамі гутаркі выступілі сумесна Вадзім Гігін і дырэктар-галоўны рэдактар Выдавецкага дома «Звязда» Павел СУХАРУКАЎ.

«25-год Канстытуцыі і 25-год інстытуту прэзідэнцтва — гэта гістарычныя падзеі, якія адбыліся параўнальна нядаўні і большасць прысутных альбо актыўна ўдзельнічалі ў працэсе, электаральных кампаніях, альбо суперажывалі, таму жыва ў памяці тое адчуванне значнасці таго, што адбывалася ў 1994 годзе, — звярнуўся да субяседнікаў Павел Сухарукаў. — Таму мне, як галоўнаму рэдактару, прадстаўніку мас-медыя, цікавы не толькі гістарычны аспект дадзенай падзей, але і эмацыйны фон, пачуцці, якімі поўнілася паветра ў тую эпоху нашай дзяржавы. Мне бы хацелася, каб вы, не толькі як гісторыкі, заканадаўцы, але і проста як грамадзяне, падзяліліся сваімі адчуваннямі, успамінамі тых часоў».

Вадзім Гігін адразу ўспомніў крайнюю палітызацыю грамадства ў тыя часы. «З аднаго боку ў краіне вострая сацыяльна-эканамічная абстаноўка, проста надзвычайная, спыненне прадпрыемстваў, з іншага боку — вельмі жорсткая барацьба, якая адбывалася паміж рознымі палітычнымі сіламі, і на гэтым фоне цалкам невыпадкова, заканамерна з’яўляецца фігура Аляксандра Лукашэнкі, у яго праграме ўвасабляюцца тыя чаканні, якія беларускія грамадзяне выношвалі, тое, як яны бачылі пабудову сваёй дзяржавы. І ўсё гэта супадае з геапалітычнай абстаноўкай, якая таксама была складанай. Бо не адна Беларусь перажывала тыя абставіны, гэта было навокал», — нагадаў ён.

Дыскусія будавалася вакол чатырох галоўных тэм: гістарычныя перадумовы фарміравання мадэлі беларускай дзяржаўнасці; трансфармацыя Асноўнага закона з пачатку зя’ўлення Беларуская рэспублікі; выбар шляху ў пачатку 1994 года; сусветны досвед прэзідэнцкай формы кіравання.

Вольга МЯДЗВЕДЕЗВА

Фота Таццяны ТКАЧОВАЙ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.