Прыкладна паўтара года таму Міністэрства абароны ўпершыню прадэманстравала фота новай баявой формы беларускай арміі. Сярод змен — новая тканіна і знешні выгляд. Гэтая форма будзе больш устойлівай да зносу. У ведамстве абяцаюць, што Узброеныя Сілы будуць забяспечаны новымі ўзорамі да канца гэтага года.
— Зараз падрыхтаваны і праходзіць узгадненне праект указа, якім прадугледжваецца прыняцце на забеспячэнне новых узораў баявой і паўсядзённай формы адзення, — адзначыў першы намеснік начальніка тылу Узброеных Сіл — начальнік штаба тылу Міністэрства абароны Аляксандр Панфёраў. — Мяркуем поўнасцю абнавіць паўсядзённую форму да пачатку 2021 года. Зараз ідзе яе доследная эксплуатацыя.
Рэчавае ўпраўленне Мінабароны сумесна з прадпрыемствамі Беларусі распрацоўвае новыя ўзоры баявой і паўсядзённай формы адзення. Абнаўляюцца і прадметы экіпіроўкі — заплечнікі, баявыя разгрузачныя камізэлькі, накаленнікі. Пад увагу бярэцца сусветны досвед, і асабліва тых краін, якія прайшлі праз ваенныя дзеянні. Таму матэрыялы для формы выкарыстоўваюцца толькі самыя сучасныя.
Валяр'ян ШКЛЕННІК. Фота Міністэрства абароны.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
«Мы зацікаўлены, каб да нас прыязджалі».
