Вы тут

Чаму ў японцаў варта браць прыклад барацьбы са смеццем


Паводле інфармацыі выдавецтва Thе Sun, улады Японіі прынялі незвычайнае рашэнне ў барацьбе са смеццем на вуліцах.


У рамках эксперымента яны паставілі спецыяльныя смеццевыя бакі, абсталяваныя дысплэямі. Як толькі гараджане выкідаюць смецце ў гэтыя бакі, на экране адлюстроўваюцца кароткія ролікі з вядомымі актрысамі фільмаў для дарослых, якія дзякуюць людзям «за чыстыя вуліцы». Падобныя кантэйнеры ўжо ўсталяваныя на некалькіх вуліцах Токіа.

Але гэты факт — хутчэй з незвычайных новаўвядзенняў, пра работу японцаў са смеццем ведае ўжо ўвесь свет. У мінулым годзе японскія заўзятары на чэмпіянаце свету па футболе ў Расіі здзівілі ўсіх: пасля гульняў сваёй каманды яны прыбіралі смецце на трыбунах за сабой і астатнімі аматарамі спорту. Здзівіліся «чысцёхам» не толькі расіяне, але і многія замежнікі. І... сталі рабіць тое ж самае.

Самі ж японцы ніяк не маглі ўцяміць, чым іншых так здзіўляе іх імкненне да чысціні. У Японіі прыборка смецця, яго перапрацоўка і прафесія «зборшчыка смецця» лічацца прэстыжнымі і паважанымі. А проста выкінуць штосьці непатрэбнае ў сметніцу для любога японца — рэч неймаверная. І нават супрацьзаконная. Пустую тару трэба прамыць, высушыць, кампактна скласці ў празрыстыя пакеты пэўнага выгляду. Асобна харчовыя адходы, небяспечныя і г. д. Нават каляровыя металы і жалеза японцы здабываюць у асноўным са смецця. Плэеры, мабільныя тэлефоны, тэлевізары і іншая старызна, якая адслужыла сваё, у Японіі не хлам, а каштоўны рэсурс. З пластыку робяць новыя бутэлькі, кантэйнеры і нават... адзенне. Форма алімпійскай зборнай Японіі будзе выраблена якраз з такога пластыкавага смецця. Шкло перапрацоўваецца амаль усё: светлыя і цёмныя бутэлькі зноў ператвараюцца ў ёмістасці, а каляровае крышыцца і выкарыстоўваецца для прагумаванага дарожнага пакрыцця, тратуарнай пліткі.

Ёсць адзін цікавы нюанс. Многія лічаць, што японская казка ў выглядзе амаль безадходнага грамадства — не што іншае, як пераняты японцамі досвед барацьбы са смеццем часоў СССР. Макулатуру і металалом, пустыя бутэлькі ў нас збіралі сем'ямі, спаборнічалі па плане збору другаснай сыравіны паміж школамі і прадпрыемствамі. Вось яны, вытокі японскай антысмеццевай канцэпцыі.

У японскіх школах прыборка класаў, туалетаў — неад'емная частка адукацыі. Дзяцей змалку вучаць клапаціцца аб чысціні месцаў агульнага карыстання. У выніку ў дарослым жыцці японцы кіруюцца прывітай звычкай аўтаматычна прыбіраць за сабой, дзе б ні былі — дома ці на стадыёне. Вельмі нядрэнны, а калі казаць больш дакладна, вельмі выдатны і патрэбны прыклад для пераймання.

Іван КУПАРВАС

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.