Вы тут

Якія парушэнні знаходзяцца падчас сяўбы


Рубеж сакавіка і красавіка стаў ужо звыклым часам, калі супрацоўнікі органаў унутраных спраў праводзяць рэвізію таго, як захоўваюцца таварна-матэрыяльныя каштоўнасці, а работнікі сельгасарганізацый выконваюць свае працоўныя абавязкі. Рабочыя групы манітораць стан сельгаспрадпрыемстваў у агульным і тэхнікі ў прыватнасці. І знаходзяць мноства парушэнняў, паведамляе прэс-служба Міністэрства ўнутраных спраў.


Так, сёлета ўжо складзена больш за 500 пратаколаў аб адміністрацыйных парушэннях. У сумных лідарах — знаходжанне на рабочым месцы ў нецвярозым стане, дробныя крадзяжы і выкарыстанне паліва не па прызначэнні. З дзяржтэхаглядам тэхнікі, якая прызначана для работы на полі, сітуацыя таксама далёкая ад ідэальнай. Супрацоўнікі ДАІ ўжо «адлавілі» больш за дзве тысячы машын, у ліку якіх аўтамабілі, трактары, самаходныя машыны, якія непрыдатныя да эксплуатацыі. Кіроўцы дапусцілі больш за 600 правапарушэнняў.

Сярод іх — кіраванне транспартам без тэхагляду або язда на няспраўнай тэхніцы. А то і «пад градусам». Так, на тэрыторыі механізаванага двара ў адной з вёсак Іванаўскага раёна Брэсцкай вобласці інспектары ДАІ затрымалі 36-гадовага механізатара. Знаходзячыся на рабоце, ён кіраваў трактарам МТЗ, маючы ў крыві... 2,7 праміле алкаголю.

— У МУС падрыхтаваны адпаведны распарадчы дакумент, створаны спецыяльныя рабочыя групы, у склад якіх увайшлі супрацоўнікі цэнтральнага апарату міністэрства, — адзначылі ў ведамстве. — Яны будуць выязджаць ва ўсе рэгіёны краіны. Пад узмоцнены кантроль у першую чаргу трапяць пытанні, звязаныя з эксплуатацыяй сельскагаспадарчага транспарту. За парушэнні спытаюць з адказных службовых асоб. А кіраўнікам арганізацый дадуць належную прававую ацэнку.

Яшчэ адна праблема, якую стварае сельгастэхніка на дарогах агульнага карыстання, — гэта язда без прадугледжанага заводам-вытворцам абсталявання, якое паказвае габарыты, павароты і стоп-сігналы. Увогуле ж, летась «праштрафілася» больш за тры з паловай тысячы аўтамабіляў. Там не было элементаў канструкцыі для бяспечнай эксплуатацыі транспартнага сродку.

Валяр'ян ШКЛЕННІК

Загаловак у газеце: Сяўба пад кантролем

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.