З 1 красавіка ўводзіцца забарона на лоўлю рыбы ў шэрагу абласцей, зноў падаражэюць цыгарэты, з'явіцца база дадзеных усіх, хто навучаецца ў адукацыйных установах, анлайн-казіно пачнуць працаваць па новых правілах, а пастаўшчыкі і вытворцы тавараў будуць плаціць больш за арганізацыю збору і выкарыстання адходаў тавараў і ўпакоўкі.
Уведзена забарона на лоўлю рыбы
З 1 красавіка па 30 мая на Міншчыне, Гродзеншчыне і Магілёўшчыне ўводзіцца забарона на лоўлю ўсіх відаў рыб у сувязі з нерастам. Падобная забарона ўжо дзейнічае ў паўднёвых абласцях краіны — Брэсцкай і Гомельскай. Віцебшчыну забарона чакае 10 красавіка.
Аднак аматары-рыбаловы могуць лавіць на адну вуду з адным кручком або адным спінінгам, аснашчаным штучнай прынадай, з адным адзінарным, або двайным, або трайным кручком. Лоўля рыбы дапускаецца ў светлы час сутак з берага без заходу ў ваду.
Падчас забароны на лоўлю шкода, прычыненая навакольнаму асяроддзю, разлічваецца з прымяненнем трайнога каэфіцыента за кожную незаконна здабытую рыбу.
Арэндная плата за нерухомасць расце
З тых часоў, як ў 2014 годзе арэндную плату адвязалі ад базавай велічыні і ўсталявалі для разлікаў асобную базавую арэндную велічыню, памер платы штогод стабільна змяняецца 1 красавіка. Хутка гэтая велічыня будзе складаць Br16,9 замест Br16,11. Памер залежыць ад індэкса спажывецкіх цэн і ўзроўню інфляцыі ў папярэднім годзе.
Новыя патрабаванні да анлайн-казіно
Пастанова МПЗ усталёўвае новыя патрабаванні да правіл правядзення азартных гульняў у інтэрнэце. Цяпер арганізатары гульняў абавязаны прапісваць ў правілах парадак ідэнтыфікацыі наведвальніка віртуальнай ігральнай установы, а таксама яго аўтэнтыфікацыі. Віртуальныя ігральныя ўстановы таксама павінны ўказваць умовы выдачы бонусаў. Неабходна прапісваць і парадак вяртання грошай пры блакаванні арганізатарамі дублюючых гульнявых акаўнтаў.
Што праўда, у арганізатараў будзе яшчэ тры месяцы пераходнага перыяду, каб пачаць працу ў адпаведнасці з новымі правіламі.
Павышаюцца цэны на цыгарэты
Асобныя віды цыгарэт ААТ «Гродзенская тытунёвая фабрыка «Нёман» падаражэюць на суму 5 да 10 капеек. Некаторыя тытунёвыя вырабы ТАА «Тытунь-інвест» стануць даражэй на 2-19 капеек. З цыгарэт, што ўвозяцца на тэрыторыю Беларусі кампаніяй «Беларусьгандаль», стануць даражэй толькі Kent Double Mix і Kent Mix Red Breeze - на 5 капеек.
Цыгарэты, якія ўвозяцца ЗАТ «Энерга-ойл», не падаражэюць.
Навучэнцаў унясуць у агульнадзяржаўную базу
З 1 красавіка павінна з'явіцца адзіная база дадзеных тых, хто навучаецца ў беларускіх установах адукацыі. Яна дапоўніць базу працаздольных грамадзян, якія не заняты ў эканоміцы. Парадак яе вядзення і фарміравання вызначае Міністэрства адукацыі. Функцыі аператара базы дадзеных ускладзены на Галоўны інфармацыйна-аналітычны цэнтр Мінадукацыі.
Вытворцы і пастаўшчыкі тавараў і ўпакоўкі будуць плаціць больш арганізатарам збору і выкарыстання адходаў
З 1 красавіка для вытворцаў і пастаўшчыкоў тавараў і ўпакоўкі павялічыцца плата аператару за арганізацыю збору, абясшкоджвання або выкарыстання адходаў тавараў і ўпакоўкі.
Узрасце памер платы па некаторых пазіцыях за вырабленыя і ўвезеныя:
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
