VII Фестываль практычнай псіхалогіі "Свет у псіхалогіі і псіхалогія ў свеце" адбудзецца ў ГрДУ імя Янкі Купалы 29-30 сакавіка. Яго тэмай стане псіхалогія ў бізнэсе.
Удзельнікі фэсту атрымаюць новыя веды ў сферы псіхалогіі і канкрэтныя інструменты, якія змогуць выкарыстоўваць у бізнесе для вырашэння практычных пытанняў.
У рамках пленарнага пасяджэння навукоўцы-псіхолагі раскажуць пра віртуальную і рэальную праекцыі ўспрымання IT-бізнэсу, абмяркуюць актуальныя праблемы псіхалогіі і эмацыйны інтэлект як дзелавую кампетэнцыю будучага.
Працягне фестываль праца шматлікіх майстар-класаў, дзе выкладчыкі ўніверсітэта, бізнес-трэнеры, коучы, арганізацыйныя кансультанты бізнес-структур прадэманструюць інавацыйныя псіхалагічныя тэхналогіі ў сферы бізнесу, раскажуць пра сакрэты кіравання персаналам і вядзенне бізнес-перамоваў.
Падчас фестывалю яго ўдзельнікаў запросяць на выставу-конкурс арт-работ і фотаработ "Псіхалагічны фармат”, а таксама выставу творчых работ навучэнцаў і студэнтаў “Я і псіхалогія”.
Арганізатары адзначаюць, што тэма бізнес-псіхалогіі сёння надзвычай актуальная. Сучасны бізнес звяртаецца да яе ў пошуку новых магчымасцяў для развіцця. Псіхалогія адкрывае такія магчымасці праз разуменне эфектыўных камунікацый, якаснае кіраванне персаналам, нестандартны аналіз рынку, а таксама ўменне выбудоўваць адносіны з спажыўцом.
Надзея НІКАЛАЕВА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
