Вы тут

Беларускае заканадаўства з'яўляецца гендарна нейтральным


Беларускае заканадаўства з'яўляецца гендарна нейтральным, што пацвярджае і экспертыза Нацыянальнага цэнтра заканадаўства і прававых даследаванняў. Аб гэтым расказалі на сустрэчы ў Мінску жанчын-парламентарыяў з прадстаўнікамі Бюро па дэмакратычных інстытутах і правах чалавека Арганізацыі па бяспецы і супрацоўніцтве ў Еўропе.


Старшыня Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы Людміла Макарына-Кібак адзначыла:

— Сёння праводзіцца вялікая праца па забеспячэнні гендарнай роўнасці. Падчас сустрэчы прыводзіўся прыклад з іншых краін, дзе некаторыя кампаніі, якія працуюць у ІТ-сферы, аддаюць перавагу мужчынам пры пошуку супрацоўнікаў. У нашай краіне такога няма. Нашы наймальнікі пры пошуку супрацоўнікаў арыентуюцца на прафесійныя здольнасці, на тое, як чалавек можа сябе падаць і як умее працаваць. І наша задача — паказаць еўрапейскаму грамадству, наколькі ў нас вывучана практыка прымянення існуючага заканадаўства і наколькі мы пры распрацоўцы новых законапраектаў улічваем пытанні гендарнай роўнасці. Свет павінен ведаць, што адбываецца ў нашай краіне, бо ў нас ёсць чым ганарыцца і, канешне, ёсць над чым працаваць.

Начальнік аддзела дэмакратычнага кіравання і гендарных пытанняў БДІПЧ АБСЕ Цііна Кукамаа-Бах падчас сустрэчы выказала надзею, што Беларусь і АБСЕ працягнуць плённае супрацоўніцтва па тэме забеспячэння гендарнай роўнасці. Яна адзначыла важную ролю жанчын-парламентарыяў у гэтым пытанні. У час сустрэчы бакі абмеркавалі перадавыя практыкі ўкаранення механізмаў прасоўвання гендарнай роўнасці і лідарства жанчын.

«Нам вельмі цікава даведацца аб беларускім вопыце і пазнаёміць беларускіх калег з міжнародным вопытам, які, магчыма, будзе карысным для парламентарыяў пры распрацоўцы законапраектаў», — падкрэсліла Цііна Кукамаа-Бах.

Наталля ТАЛІВІНСКАЯ

Загаловак у газеце: Перш за ўсё — прафесіяналізм

Выбар рэдакцыі

Грамадства

Без памылак нельга рухацца наперад, або Чаму попыт i прапанова пакуль не заўсёды супадаюць

Без памылак нельга рухацца наперад, або Чаму попыт i прапанова пакуль не заўсёды супадаюць

Давайце разам прыгадаем свае першыя крокi ў школе. Што кажа дзецям настаўнiк?

Спорт

Кiнуць выклiк лёсу. Чым жыве паралiмпiйскi спорт у Беларусi

Кiнуць выклiк лёсу. Чым жыве паралiмпiйскi спорт у Беларусi

Як беларусы рыхтуюцца да галоўных стартаў i як развiваецца паралiмпiйскi рух.

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў.