Вы тут

Конкурс на найлепшыя тавары 2019 года абвешчаны ў Беларусі


Дзяржстандарт аб'явіў пра старт конкурсу "Найлепшыя тавары Рэспублікі Беларусь". У 2019 годзе ён пройдзе ўжо ў 18-ы раз. Удзельнічаць у ім могуць юрыдычныя і фізічныя асобы, якія вырабляюць прадукцыю і аказваюць паслугі на тэрыторыі нашай краіны.


Конкурс праводзіцца па наступных намінацыях:

  • харчовыя тавары;
  • прамысловыя тавары для насельніцтва і вырабы народных промыслаў;
  • прадукцыя вытворча-тэхнічнага прызначэння;
  • паслугі насельніцтву.

Згодна з рэгламентам конкурс павінен прайсці ў два этапы. На першым этапе ў кожнай з намінацый абласныя камісіі выберуць "Навінку года", уручаць дыплом "Стабільная якасць" і ўзнагародзяць "Найлепшага ў галіне", "Найлепшага ў рэгіёне". На другім этапе канчатковых пераможцаў па тых жа параметрах назаве рэспубліканская камісія.

Звесткі аб таварах-лаўрэатах размесцяць на сайце Дзяржстандарта і ў штогадовым ілюстраваным каталогу "Найлепшыя тавары Рэспублікі Беларусь", які рассылаецца ў прадстаўніцтвы нашай краіны за мяжой.

Арганізацыі, тавары якіх будуць ўдастоены звання лаўрэата конкурсу, будуць узнагароджаны дыпломам і атрымаюць права размяшчаць лагатып конкурсу на таварах і іх упакоўцы, у дакументацыі і рэкламе на працягу двух гадоў.

Заяўкі на ўдзел Беларускі дзяржаўны інстытут метралогіі і сакратарыяты абласных камісій, сфарміраваныя ў абласных цэнтрах стандартызацыі, метралогіі і сертыфікацыі, прымаюць да 1 верасня 2019 года. Падрабязная інфармацыя аб конкурсе размешчана на сайце Дзяржстандарта.

Дзмітрый СУГАНЯЕЎ

Выбар рэдакцыі

Грамадства

Асваенне адчужэння. Што паглядзець падчас экскурсіі ў радыяцыйнай зоне?

Асваенне адчужэння. Што паглядзець падчас экскурсіі ў радыяцыйнай зоне?

Ці небяспечныя такія «вылазкі» і колькі яны каштуюць?

Грамадства

Мітрапаліт Павел: Я ўдзячны, што Гасподзь павёў мяне па гэтым шляху

Мітрапаліт Павел: Я ўдзячны, што Гасподзь павёў мяне па гэтым шляху

Уладыка расказаў, чаму з асцярогай упершыню ехаў у Мінск у якасці мітрапаліта.

Калейдаскоп

Вясёлыя гісторыі чытачоў

Вясёлыя гісторыі чытачоў

Добрая жонка і дома рай, а благая — хоць цягу дай

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.