Вы тут

Алімпіяда па рускай мове для замежных студэнтаў стартуе 27 сакавіка


Яе тэма — «Руская мова — шлях да паразумення і згоды».


У гэтым годзе свае веды правераць 178 замежных студэнтаў беларускіх ВНУ з 27 краін: Венесуэлы, В’етнама, Ізраіля, Індыі, Іарданіі, Ірака, КНР, Конга, Нігерыі, Туркменістана, Узбекістана, Шры-Ланкі, Эстоніі, Японіі і іншых. Сярод канкурсантаў — студэнты БДУ, Беларускага дзяржаўнага медыцынскага ўніверсітэта, БДАТУ, БДЭУ, Беларускага дзяржаўнага ўніверсітэта культуры і мастацтваў, Мінскага дзяржаўнага лінгвістычнага ўніверсітэта, Баранавіцкага дзяржаўнага ўніверсітэта, Брэсцкага дзяржаўнага ўніверсітэта імя А. С. Пушкіна, Гродзенскага дзяржаўнага ўніверсітэта імя Янкі Купалы і іншых.

Удзельнікаў размяркуюць па секцыях у залежнасці ад узроўню валодання мовай і профілю спецыяльнасці (філалагічны/ нефілалагічны). Заданні алімпіяды ўключаюць напісанне пераказу, сачынення, лексіка-граматычныя тэсты, аўдзіраванне, чытанне твораў на памяць і вершаў з ліста.

Узнагароджанне пераможцаў адбудзецца 29 сакавіка.

Арганізатарамі алімпіяды выступаюць Міністэрства адукацыі, Беларускі дзяржаўны ўніверсітэт, Міжнародная асацыяцыя выкладчыкаў рускай мовы і літаратуры, Беларускае грамадскае аб’яднанне выкладчыкаў рускай мовы як замежнай.

Надзея НІКАЛАЕВА

Выбар рэдакцыі

Культура

Рэха «Славянскага базару»: чым запомніўся 28-ы па ліку мастацкі форум

Рэха «Славянскага базару»: чым запомніўся 28-ы па ліку мастацкі форум

За фестывальны тыдзень у Віцебску прайшло без малога дзве сотні падзей.