Вы тут

«Тры сястры» прыхарошацца


Эскіз рэканструкцыі тэрыторыі вакол манумента Дружбы на мяжы Беларусі, Расіі і Украіны прадстаўлены ў Гомельскім аблвыканкаме. Па даручэнні Прэзідэнта Беларусі памятны знак будзе сёлета комплексна добраўпарадкаваны.


Манумент Дружбы, вядомы як «Тры сястры», быў узведзены ў 1975 годзе. Стэлы выкананы па праекце гомельскага архітэктара Леаніда Стукачова. Велічнае збудаванне стваралі сумесна прадстаўнікі трох рэспублік. Па ацэнцы спецыялістаў, нясучыя канструкцыі стэл, абліцаваныя інкерманскім каменем, не патрабуюць капітальнага рамонту — трэба толькі аднавіць абліцоўку. Рэканструкцыя закране падыходы да манумента з трох бакоў.

— Плітка будзе выкладзена малюнкам нацыянальных арнаментаў трох краін, — расказала галоўны архітэктар Гомельскай вобласці Святлана Кухацкаволец. — За аснову ўзята канцэпцыя, прапанаваная праектным інстытутам «Гомельграмадзянпраект».

Таксама ў планах — рамонт асфальтаваных пад'язных шляхоў, аднаўленне і пашырэнне зялёнай зоны. Рамонт будзе зроблены і на тэрыторыях, адведзеных пад тэматычныя выстаўкі і кірмашы. Добраўпарадкаванне манумента Дружбы плануюць завяршыць да пачатку чэрвеня.

Ірына АСТАШКЕВІЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».