Вы тут

Сёння ўвесь дзень у эфіры «Беларусь 3» чытаюць класіку


21 сакавіка ў Сусветны дзень паэзіі ў эфіры сацыякультурнага канала «Беларусь 3» прагучаць вядомыя вершы беларускіх класікаў. На працягу ўсяго дня іх будуць выконваць маладыя акцёры і знакамітыя артысты тэатра і кіно, папулярныя музыканты і вядучыя тэлеканала «Беларусь 3». 


З 1999 года паводле рэзалюцыі 30-й сесіі Генеральнай канферэнцыі ЮНЭСКА было вырашана назваць 21 сакавіка Сусветным днём паэзіі. Штогод гэтае свята адзначаецца і ў нашай краіне, і ў чацвер на працягу ўсяго дня выдатныя беларускія творы гучаць у эфіры «Беларусь 3». 

Свята распачалося ў 06.55, «калі з зямлі на белай хмары ў неба...» адправіцца ў касмічнае падарожжа з аднайменным вершам народнага паэта БССР Аркадзя Куляшова вядучая праекта «Жывая культура» Кацярына Ваданосава. Словамі яшчэ аднаго народнага паэта Якуба Коласа малады беларускі акцёр Ягор Фёдараў раскажа, «што поўніла мне сэрца...». А вядомы артыст Купалаўскага тэатра Павел Харланчук-Южакоў згадае радкі твора «Душа» Сяргея Грахоўскага.

Музыкант Вячаслаў Шарапаў папросіць гледачоў кінуць «сваркі і звадкі», як гэта рабіў 105 гадоў таму пясняр нашай зямлі Максім Багдановіч. Яшчэ адзін верш пісьменніка Сяргея Грахоўскага «Чалавеку патрэбна не слава...» прадэкламуе актрыса Вераніка Пляшкевіч, вядомая маленькім гледачам «Беларусь 3» праз вобраз няні Палінкі ў «Калыханцы». 

У Сусветны дзень паэзіі знойдзецца месца і гумару, калі байку Янкі Купалы «Груган і салавей» прачытае вядучая праекта «Навіны культуры» на «Беларусь 3» Таццяна Жданава. Літаратуразнаўца і перакладчыца Марына Запартыка ўзгадае «Раманс» Багдановіча, больш вядомы як «Зорка Венера», а заслужаны артыст Беларусі Уладзімір Мішчанчук у 17.05 таксама прачытае яго верш «Падымі ў гару сваё вока...».

Скончыцца Сусветны дзень паэзіі ў 23.55, калі акцёр тэатра і кіно Сяргей Жбанкоў, вядомы па «Калыханцы» як вандроўнік Нестар, прадэкламуе радкі Сяргея Грахоўскага з верша «Завея».

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.