Вы тут

У Мінску праходзіць ІV Тыдзень беларускага прадпрымальніцтва


Сёння, 20 сакавіка, у Нацыянальнай бібліятэцы будзе прэзентаваны праект Нацыянальнай платформы бізнесу Беларусі. Дакумент з прапановамі па паляпшэнні дзелавога клімату ў краіне штогод выпрацоўвае ўся бізнес-супольнасць Беларусі. Акрамя праекта, стануць вядомыя вынікі апытання Індэкса дзелавога аптымізму — гэтае аналітычнае даследаванне дэманструе, як уладальнікі бізнесу ацэньваюць створаныя дзяржавай умовы для развіцця прадпрымальніцтва.


Такія прэзентацыі запланаваны для ўдзельнікаў рэспубліканскага дзелавога форуму «Развіццё прадпрымальніцтва Беларусі: стратэгія і тактыка» ў рамках ІV Тыдня беларускага прадпрымальніцтва. Заўтра, 21 сакавіка, арганізатары запрашаюць на выстаўку франшыз. Для прадпрымальнікаў, што пачынаюць дзейнасць, запланаваны бізнес-інтэнсіў.

Увогуле ў праграме Тыдня, які стартаваў у гэты панядзелак, запланавана больш за сто мерапрыемстваў, разлічаных на шырокую аўдыторыю ад школьнікаў да прадстаўнікоў буйных кампаній. Сярод іх — сустрэчы дзелавых колаў і чыноўнікаў, акцыі «Прадпрымальнікі пра прадпрымальніцтва», «Дэманструем свой бізнес», «Падары кнігу бібліятэцы». Дапаўняюць праграму Тыдня беларускага прадпрымальніцтва культурна-асветныя мерапрыемствы.

Традыцыйны Тыдзень беларускага прадпрымальніцтва праводзіць саюз юрыдычных асоб «Рэспубліканская канфедэрацыя прадпрымальніцтва» сумесна з Міністэрствам эканомікі, Дэпартаментам па прадпрымальніцтве, Беларускім фондам фінансавай падтрымкі прадпрымальніцтва і рэгіянальнымі бізнес-асацыяцыямі.

Варвара МАРОЗАВА

Загаловак у газеце: Бізнес ведае, як для яго лепш

Выбар рэдакцыі

Культура

У Беларусі будзе стварацца археалагічная карта

У Беларусі будзе стварацца археалагічная карта

Калі Скарына прыехаў у Кракаў, і як выглядаў малы Рагвалодавіч.

Грамадства

Як застацца людзьмі пасля разводу

Як застацца людзьмі пасля разводу

Можа дапамагчы медыятар.