Вы тут

Віцяблянку будуць судзіць за помсту былому працадаўцу


Пракуратура Віцебскай вобласці вывучыла і накіравала ў суд Першамайскага раёну Віцебску крымінальную справу па абвінавачванні 26-гадовай жыхаркі абласнога цэнтра ў несанкцыянаваным доступе да камп'ютарнай інфармацыі, яе мадыфікацыі і камп'ютарным сабатажы, паведамляецца на сайце пракуратуры.


Па паведамленні абласнога УСК, абвінавачаная зайшла 2 лістапада 2017 года на старонку ўліковага запісу ва «Укантакце» сваёй мінулай працы. Для гэтага яна ўвяла заведама вядомыя ёй лагін і пароль і не менш як чатыры разы ажыццявіла несанкцыянаваны доступ да камп'ютарнай інфармацыі.

Пасля гэтага фігурантка, дзейнічаючы з помсты да дырэктара камерцыйнага прадпрыемства, размясціла для агульнадаступнага агляду на старонцы ўліковага запісу не менш за шэсць відэаролікаў непрыстойнага зместу, не звязаных з працай ТАА і падрываючых яго імідж і дзелавую рэпутацыю. Змяніла налады прыватнасці ўліковага запісу, што прывяло да немагчымасці для патэнцыйных кліентаў аглядаць прапанаваную арганізацыяй прадукцыю, а для прадпрыемства - атрымліваць ад кліентаў паведамленні.

Яна ж ад імя законнага карыстальніка ТАА выдаліла з яго старонкі не менш за 20 фотаальбомаў, якія ўтрымоўвалі больш за 3000 фотавыяў прапанаванай прадукцыі з яе характарыстыкамі, больш за 200 карыстальнікаў з раздзелу «Сябры», тэксты электроннай перапіскі з кліентамі, чым знішчыла камп'ютарную інфармацыю камерцыйнай арганізацыі.

Выбар рэдакцыі

Культура

Рэха «Славянскага базару»: чым запомніўся 28-ы па ліку мастацкі форум

Рэха «Славянскага базару»: чым запомніўся 28-ы па ліку мастацкі форум

За фестывальны тыдзень у Віцебску прайшло без малога дзве сотні падзей.