Ля берагоў Камчаткі ў снежні выбухнуў метэарыт

Непадалёк ад узбярэжжа Камчаткі ў снежні адбыўся буйны выбух метэарыта, паведамляе ВВС.

Выбух быў другім па велічыні за апошнія 30 гадоў, і саступае толькі выбуху метэарыта над Чалябінскам шэсць гадоў таму.

Выбух не адразу заўважылі, бо ён адбыўся над Берынгавым морам.

Магутнасць выбуху была ў 10 разоў большай, чым у атамнай бомбы, скінутай на Хірасіму.

Ліндлі Джонсан, спецыяліст НАСА па абароне Зямлі ад пазаземных аб'ектаў, сказаў, што выбухі такога маштабу здараюцца толькі два-тры разы за 100 гадоў.

18 снежня, прыкладна апоўдні па мясцовым часе, метэарыт прабіўся ў атмасферу Зямлі з хуткасцю 32 кіламетра ў секунду, на круты траекторыі ў сем градусаў.

Метэарыт, памерам у некалькі метраў, выбухнуў ў 25,6 км над паверхняй Зямлі, з энергіяй ўдару ў 173 кілатоны.

"Энергія выбуху дасягнула 40% энергіі выбуху над Чалябінскам, але паколькі гэта адбылося на Берынгавым морам, у навіны гэты момант не трапіў", - кажа Кэлі Фаст, спецыяліст НАСА па калязямных аб'ектах.

Паводле яе слоў, той факт, што вялікая частка Зямлі пакрыта вадой, абараняе чалавецтва ад такіх выбухаў.