Вы тут

Колькі каштуе каханне?


Знайсці адказ на гэтае пытанне змаглі наведвальнікі спектаклю, які так і называецца “Колькі каштуе каханне?” і днямі быў прадстаўлены на сцэне сталічнага Палаца ветэранаў.


Які ж адказ даюць на такое важнае пытанне галоўныя героі дзеі? Яны кажуць, што “любоў не зайздросціць, любоў не ўзвышае сябе, не ганарыцца, не бясчынствуе, не шукае свайго, не раздражняецца, не памятае зла, не радуецца няпраўдзе, а радуецца ісціне; усё пакрывае, усяму верыць, на ўсё спадзяецца, усё пераносіць. Любоў ніколі не перастае”.

У цэнтры сюжэту вельмі пакручастая гісторыя дзяўчыны Сары, больш вядомай ва ўсёй акрузе як Анёлак. Гэта той Анёлак, які ведае, як задаволіць жаданні самых розных мужчын... Зазвычай грамадства не прызвычаілася глядзець у бок такіх жанчын і тым больш суперажываць ім. Аднак яшчэ адзін галоўны герой драмы, Міхаіл, прымае няпростае рашэнне палюбіць такога Анёлка. Прычым яго любоў сапраўды чыстая, верная, моцная, здольная пераадолець усе перашкоды на сваім шляху.

Разам з героямі пастаноўкі і плачаш, і перажываеш унутраны боль, і знаходзіш ацаленне ад яго, падставы радавацца і жыць далей.

Гэта той выпадак, калі спектакль дакладна не пакіне гледача абыякавым. І важны тут не візуальны складнік, хаця і з ім усё ў парадку – яскравыя касцюмы на ўзор часоў Залатой Ліхаманкі, шыкоўныя ўпрыгожванні, выразныя макіяжы і вытанчаныя прычоскі ўсіх гераінь. Аднак на гэтую пастаноўку варта ісці найперш каб перажыць тую гісторыю, якую перажываюць акцёры, прапусціць яе праз сябе і напрыканцы адчуць глыбокі ўнутраны супакой.

Спектакль зроблены па кнізе Франсіс Рыверз “Любоў выратавальная”. Дарэчы, саму кнігу можна было набыць падчас антракту (ёсць яна і ў сеціве). Гэта была ўжо 18-я пастаноўка. Такі факт тым больш адметны, што тэатр “Мост Up”, які падрыхтаваў яе разам са сваім рэжысёрам Алесяй Чайкай, з’яўляецца аматарскім. Аднак яны здолелі дэбютаваць з гэтай працай на сцэне Рэспубліканскага тэатра беларускай драматургіі, а потым выступіць і ў многіх іншых залах не толькі Беларусі, але і замежжа.

Наступны паказ спектаклю “Колькі каштуе каханне?” запланаваны на май (дарэчы, на ролі галоўных герояў шукаюць дублёраў). Пакуль жа тэатр працуе над новай не менш амбіцыйнай і глыбокай пастаноўкай, якая будзе зроблена па кнізе Клайва Льюіса “Лісты Баламута” – прэм’ера чакаецца ўжо гэтай вясной.

Ніна ШЧАРБАЧЭВІЧ

 Фота аўтара

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.