Вы тут

Пачынаючы з нядзелі сіноптыкі абяцаюць да плюс 16 градусаў


У першай палове гэтага тыдня зіма нагадала пра сябе пахаладаннем і снегападамі ў паўднёвых раёнах нашай краіны. Але пахаладанне было нямоцным і аказалася непрацяглым. Ужо ў чацвер атмасферныя франты прынеслі на тэрыторыю краіны больш цёплае паветра з Заходняй Еўропы. На выхадныя чакаюцца дажджы і пацяпленне, найбольш істотнае — на паўднёвым захадзе краіны, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння ўдзень пад уплывам атмасферных франтоў, якія ссоўваюцца з боку Заходняй Еўропы, на значнай частцы тэрыторыі краіны пройдуць кароткачасовыя дажджы. Днём ападкі будуць суправаджацца парывістым ветрам. Максімальная тэмпература паветра складзе 5—10 цяпла. У суботу франтальныя раздзелы прынясуць нам часам дажджы, па паўночным усходзе — з мокрым снегам. Месцамі чакаецца парывісты вецер. Тэмпература паветра ўначы складзе ад мінус 1 да плюс 5 градусаў, удзень — 3—10 цяпла.

У нядзелю ўначы надвор'е будуць вызначаць атмасферныя франты, а ўдзень у краіну з паўднёвага захаду Еўропы пачне паступаць цёплая паветраная маса. Уначы на большай частцы тэрыторыі краіны, а ўдзень па поўначы пройдуць кароткачасовыя дажджы. Раніцай у некаторых раёнах чакаецца слабы туман. Тэмпература паветра ўначы складзе ад нуля да плюс 7 градусаў. Удзень будзе 7—13 цяпла, па паўднёвым захадзе паветра прагрэецца да 14—16 градусаў.

Паводле папярэдніх прагнозаў айчынных сіноптыкаў, у панядзелак уначы месцамі, раніцай і днём у многіх раёнах краіны чакаюцца кароткачасовыя дажджы. Тэмпература паветра ўначы складзе ад плюс 1 да плюс 6 градусаў. Удзень прагназуецца досыць цёплае надвор'е — плюс 6—13 градусаў, а па паўднёвым усходзе яно будзе амаль красавіцкае — 15—16 цяпла.

Сяргей КУРКАЧ

Загаловак у газеце: Ужо нават уначы з плюсам

Выбар рэдакцыі

Грамадства

Асваенне адчужэння. Што паглядзець падчас экскурсіі ў радыяцыйнай зоне?

Асваенне адчужэння. Што паглядзець падчас экскурсіі ў радыяцыйнай зоне?

Ці небяспечныя такія «вылазкі» і колькі яны каштуюць?

Грамадства

Мітрапаліт Павел: Я ўдзячны, што Гасподзь павёў мяне па гэтым шляху

Мітрапаліт Павел: Я ўдзячны, што Гасподзь павёў мяне па гэтым шляху

Уладыка расказаў, чаму з асцярогай упершыню ехаў у Мінск у якасці мітрапаліта.

Калейдаскоп

Вясёлыя гісторыі чытачоў

Вясёлыя гісторыі чытачоў

Добрая жонка і дома рай, а благая — хоць цягу дай

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.