14-15 сакавіка ў Гродзенскім дзяржаўным універсітэце імя Янкі Купалы пройдзе міжнародная навуковая канферэнцыя “Універсітэт XXI стагоддзя і яго роля ў апераджальным развіцці рэгіёнаў”.
Навуковы форум збярэ больш за 200 удзельнікаў з Беларусі, Расіі, Казахстана, Украіны і Польшчы. Яны абмяркуюць тэарэтычныя і навукова-метадычныя пытанні аптымальнага функцыянавання ўніверсітэта ў XXI стагоддзі ў розных дзяржавах. У рамках пленарнага пасяджэння яго ўдзельнікі прадставяць сучасныя мадэлі ўстаноў вышэйшай адукацыі ў Беларусі, Украіне, Польшчы і Казахстане. Навукоўцы разгледзяць праблемы падрыхтоўкі канкурэнтаздольных спецыялістаў і формы арганізацыі практыка-арыентаванай падрыхтоўкі будучых педагогаў, аспекты інтэрнацыяналізацыі ў сучасным універсітэце.
У другі дзень работы канферэнцыі адбудуцца майстар-класы, будуць арганізаваны дыскусійныя і інавацыйныя пляцоўкі, пройдзе круглы стол на тэму “Інавацыі ў педагагічнай адукацыі ў рамках рэалізацыі праекта “Універсітэт 3.0”. На прыкладзе Гродзенскага дзяржаўнага ўніверсітэта імя Янкі Купалы будзе прадстаўлена роля ўніверсітэтаў у апераджальным развіцці рэгіёнаў.
Выбар тэмы і месца правядзення канферэнцыі абумоўлены тым, што ў ГрДУ імя Янкі Купалы ажыццяўляюцца сучасныя інавацыйныя пераўтварэнні, якія адпавядаюць сусветным тэндэнцыям ўдасканалення вышэйшай адукацыі, асноўным напрамкам праграмы развіцця вышэйшай адукацыі Рэспублікі Беларусь на 2015—2020 гады, а таксама праграме развіцця навукі ў Рэспубліцы Беларусь , якая адобрана ІІ Усебеларускім з'ездам вучоных.
Рабочыя мовы канферэнцыі: беларуская, руская, кітайская, польская, англійская.
Надзея НІКАЛАЕВА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.