Вы тут

Інтэрактыўная выстаўка “Бабкі Ёжкі і Ягабабачкі” адкрыецца ў БДУ


У яе рамках госці даведаюцца пра тайну самага загадкавага жаночага вобраза ўсіх часоў і народаў — Бабы Ягі. На ёй будуць прадстаўлены больш за 50 унікальных аўтарскіх экспанатаў казачнай чарадзейкі, выкананых рамеснікамі з Беларусі, Літвы і Польшчы. Цэнтральнай у экспазіцыі стане работа майстра-лялечніка  з Гродна Галіны Жамчужнікавай. Акрамя таго, выставачныя стэнды папоўняцца экспанатамі з фондаў кабінета-музея беларускай народнай культуры філалагічнага факультэта БДУ і калекцый супрацоўнікаў універсітэта.


Госці ўбачаць лялек, выкананых з прымяненнем розных тэхнік і матэрыялаў: вобразы казачнага персанажа з палімернай гліны, сінцепону, пластыка, натуральных тканін, мешкавіны, драўніны, каменя, саломы і іншых.

Старшыня саюза жанчын БДУ, доктар філалагічных навук Ірына Казакова раскажа наведвальнікам пра пяць асноўных навуковых версій даследавання таямнічага персанажа і   яго адлюстраванне ў культуры славянскіх народаў.

Выстаўка пройдзе ў інтэрактыўным фармаце. Кожны зможа не толькі дакрануцца да экспанатаў, але і сфатаграфавацца з імі. Яна разгорнецца ў будынку БДУ па вуліцы Карла Маркса, 31, кабінет 319. Урачыстае адкрыццё адбудзецца 5 сакавіка ў 12.50. Уваход свабодны.

Выстаўка будзе доўжыцца да 12 сакавіка. Арганізатарам мерапрыемства выступае Саюз жанчын БДУ.

Надзея НІКАЛАЕВА

Выбар рэдакцыі

Культура

Рэха «Славянскага базару»: чым запомніўся 28-ы па ліку мастацкі форум

Рэха «Славянскага базару»: чым запомніўся 28-ы па ліку мастацкі форум

За фестывальны тыдзень у Віцебску прайшло без малога дзве сотні падзей.