Шчупак — жаданая здабыча для рыбаловаў-аматараў, а яе лоўля — займальны занятак. Але ёсць перыяды, калі гэты від знаходзіцца пад асаблівай аховай.
З 1 сакавіка ў большасці рэгіёнаў Беларусі (за выключэннем Віцебшчыны) уводзіцца забарона на лоўлю шчупака, які працягнецца па 15 красавіка; у Віцебскай вобласці забарона будзе дзейнічаць з 9 сакавіка па 25 красавіка, паведамілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.
Ахоўныя меры звязаны з пачаткам нерасту ў дадзенага віду. Шчупак ідзе на яго раней за іншых вясенне-нерастуючых рыб, паколькі не так патрабавальны да прагрэву вады, а часам нерастуе нават пад лёдам. Праснаводны драпежнік вельмі важнаы для балансу іхціяфаўны, ён з'яўляецца свайго роду рэгулятарам: знішчае малакаштоўную дробязь, хворых і аслабленых рыб, што спрыяе лепшаму росту каштоўных відаў і аздараўленні іх папуляцый.
Вылаў шчупака падчас забароны цягне сур'ёзную адказнасць. За кожную незаконна здабытую асобіну спаганяецца шкода ў трайным памеры — па 9 базавых велічынь (229,5 рублёя). Таксама парушальніку можа быць прызначаны штраф у памеры да 50 базавых велічынь. Прычыненне шкоды на суму 100 і больш базавых велічынь цягне крымінальную адказнасць і яшчэ больш суровыя санкцыі.
Сяргей РАСОЛЬКА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!