На выставе ўвазе наведвальнікаў будуць прадстаўлены калекцыі сонечнага бурштыну, кварца, лазурыту і чараіту, фантазійнай яшмы, афрыканскага малахіту і іншых мінералаў, аўтарскія работы з натуральных прыродных матэрыялаў майстроў і рамеснікаў з Беларусі, Расіі, Украіны і Рэспублікі Конга.
У рамках мерапрыемства пройдуць цікавыя сустрэчы з калекцыянерамі, навукоўцамі, супрацоўнікамі і студэнтамі геаграфічнага факультэта. Тыя, хто зацікавіцца таямнічым і займальным светам мінералаў, змогуць наведаць музей землязнаўства на геаграфічным факультэце БДУ. Таксама на выставе будзе працаваць лабараторыя “Юный геолаг”, дзе кожны ахвотны зможа ўдакладніць сапраўднасць упрыгожванняў з асабістых “малахітавых скрыначак”, задаць пытанні спецыялістам, даведацца шмат цікавага. Будзе магчымасць не толькі дакрануцца да прыгажосці натуральнага каменя, але і набыць для сябе ўпадабаныя вырабы, знайсці свой талісман, сувенір ці кнігу, папоўніць уласную калекцыю або пачаць яе ствараць.
Выстава будзе працаваць у галоўным корпусе БДУ (праспект Незалежнасці, 4) да 2 сакавіка ўключна. Час работы выставы — з 11.00 да 20.00. Уваход свабодны.
Надзея НІКАЛАЕВА
Мерапрыемства праводзіцца на добраахвотнай аснове.
Не выявіць ні секунды абыякавасці.