Вы тут

Агучаны дасягненні арганізацыі гуманітарнай дзейнасці ў краіне


Як адзначыла начальнік упраўлення гуманітарнай дзейнасці Дэпартамента па гуманітарнай дзейнасці Кіраўніцтва справамі Прэзідэнта Беларусі Інга Гарбунцова, вынікам усёй дзейнасці ў гэтым кірунку стала супрацоўніцтва Беларусі з 51 краінай па выніках 2018 года.


«Амаль 70 мільёнаў долараў фінансавых рэсурсаў у эквіваленце паступіла на рэалізацыю розных сацыяльных праектаў», — падкрэсліла спецыяліст.

Назіраецца станоўчая дынаміка — у 2017 годзе сума дапамогі склала 59,8 млн долараў.

Яна звярнула ўвагу, што прыярытэты рэалізацыі сродкаў застаюцца ранейшымі — гэта ахова здароўя, абарона дзяцей, састарэлых грамадзян, навакольнага асяроддзя, укараненне рэсурсазберагальных тэхналогій.

Інга Гарбунцова таксама адзначыла, што ўся праца па дамоўленасцях, якія былі дасягнуты ў 2018 годзе, ужо дае вынік. Напрыклад, літаральна некалькі дзён таму прыбыў першы груз лекавых сродкаў на суму 2,2 млн долараў з ЗША. Паводле яе слоў, гэта доўгатэрміновы праект, звязаны з пастаўкамі найбольш запатрабаваных лекаў у Беларусь.

Дарэчы, на сёння пры ўдзеле беларускага пасольства ў ЗША наладжваюцца сувязі з больш чым дзесяццю найбуйнейшымі дабрачыннымі арганізацыямі Злучаных Штатаў Амерыкі. Спецыяліст выказала надзею, што дадатковыя аб'ёмы дапамогі з ЗША па выніках 2019 года могуць перавысіць паказчыкі апошніх гадоў (10—12 млн долараў) і перасягнуць бар'ер у 15 млн долараў.

...На той жа прэс-канферэнцыі першы намеснік начальніка ўпраўлення аварыйна-выратавальных службаў і ліквідацыі надзвычайных сітуацый Міністэрства па надзвычайных сітуацыях Беларусі Аляксей Іофэ расказаў пра тое, якім краінам Беларусь аказала гуманітарную дапамогу ў 2018 годзе.

Так, у студзені мінулага года груз быў накіраваны пацярпелым ад трапічных тайфунаў і разбуральных паводак у В'етнам. Гэта прадукты харчавання, палаткі, коўдры, генератары энергіі, ложкі-раскладанкі.

Аўтамабільным транспартам быў дастаўлены груз ва Украіну. Былі накіраваны два грузавыя аўтамабілі, а таксама аўтамабілі з халадзільнікамі і школьнай мэбляй.

Яшчэ ў мінулым годзе Беларусь адправіла свой верталёт для тушэння пажараў у Латвію.

Акрамя таго, у 2018 годзе чарговы раз было прынята рашэнне аб аказанні гуманітарнай дапамогі Сірыі. Дарэчы, быў прапрацаваны новы маршрут дастаўкі — з дапамогай чыгуначнага, а потым марскога транспарту. «Цяпер дадзены груз ужо, скажам так, фактычна дастаўлены ў Сірыйскую Арабскую Рэспубліку. Кантэйнеры дастаўлены, і грузавы транспарт айчыннай вытворчасці — самазвал і аўтобус МАЗ, яны ідуць іншым паромам — будзе перададзены ва ўстаноўленым парадку», — дадаў ён.

Уладзіслаў ЛУКАШЭВІЧ

Загаловак у газеце: 51 краіна і 70 мільёнаў долараў

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.