Вы тут

У Дзень роднай мовы айчынныя тэлеканалы прадставяць спецыяльныя праекты


Ужо традыцыйна 21 лютага праграма «Наша раніца», прагноз надвор'я і ўсе выпускі навін на АНТ выйдуць на беларускай мове. Таксама да святкавання сёлета далучыцца сайт тэлеканала, афіцыйныя акаўнты ў сацсетках і радыёстанцыя «Цэнтр FM».


«Раніцай чацвярга пагаворым пра самыя запатрабаваныя і рэдкія мовы свету, — анансуе кіраўнік дырэкцыі ранішняга вяшчання АНТ Таццяна Рудакоўская, — і пра тое, як важна іх вывучаць. Раскажам пра паліглотаў, паразважаем, чаму адным людзям лёгка даецца вывучэнне замежнай, а другім — складана». Дарэчы, нагадваюць прадстаўнікі Агульнанацыянальнага тэлебачання, штомесяц адзін з выпускаў праграмы «Наша раніца» выходзіць цалкам па-беларуску.

Адмысловыя праграмы прадставяць у Міжнародны дзень роднай мовы тэле- і радыёканалы, якія ўваходзяць у склад Белтэлерадыёкампаніі. Так, Агенцтва тэленавін на «Беларусь 1» пакажа, якая мілагучная і прыгожая наша мова, у відэароліку, галоўнай тэмай якога стала песня «Мой родны кут» на словы Якуба Коласа. На тэлеканале «Беларусь 3» згадаюць літаратурную класіку — любімыя вершы знакамітых беларускіх паэтаў прачытаюць як вядомыя дзеячы культуры, так і цяперашнія студэнты. А ў эфіры радыё «Сталіца» пад дэвізам «Наша мова — для размовы!» кожную гадзіну будуць гучаць яркія літаратурныя выступленні айчынных рок-зорак — Navіband, Akute, Re1іkt, «Палац», NІZKІZ ды іншых.

Вікторыя ЗАХАРАВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.