Вы тут

Птушкі ўжо вяртаюцца дамоў


Па-сапраўднаму нечаканым і адначасова прыемным стала з'яўленне ў месцах свайго рэгулярнага гнездавання першых шэрых гусей і шэрых жураўлёў. Як паведамляюць супрацоўнікі грамадскай арганізацыі «Ахова птушак Бацькаўшчыны», ужо 10 лютага адзінкавыя пары гэтых прыгожых птушак былі адзначаныя каля ўрочышча Зляціна на паўднёва-заходняй ускраіне Белавежскай пушчы. Гэта нядзіўна, бо апошнімі гадамі расце колькасць жураўлёў на зімоўцы на ўсходзе суседняй Польшчы. Акрамя таго, у папярэднія зімы былі адзінкавыя факты зімоўкі гусей і жураўлёў на тэрыторыі нацыянальнага парку.


А крыху пазней, 13 лютага, на захадзе нашай краіны былі заўважаны першыя сёлета палявыя жаваранкі, за якімі, без сумнення, хутка прыляцяць і іншыя віды птушак, якія ў нас не зімавалі. І хаця гэта падзея адбылася сёлета амаль на 20 дзён раней, чым летась, гэта не «рэкордны» прылёт — у 2016-м першых жаваранкаў бачылі ў нашай краіне ўжо 9 лютага. Іншых нашых блізкіх мігрантаў (якія зімуюць у Цэнтральнай і Заходняй Еўропе) пакуль не відаць, але таксама на Бераставіччыне арнітолагі зафіксавалі вялікую чараду лебедзяў-клікуноў, якія яўна не зімавалі тут у такой колькасці. Цікава, што яшчэ тыдзень таму спецыялісты адзначылі тры асобныя пары гэтых птушак, якія, перш чым прыступіць да размнажэння, павінны «пакінуць без догляду» сваіх птушанят з мінулага года.

У гнездавой калоніі каля мястэчка Вялікія Эйсманты (Бераставіцкі раён) гракі актыўна збіралі матэрыял і папраўлялі свае гнёзды. Паводле апошніх уяўленняў, у нас зімуюць як «нашы» птушкі, якія потым у нас жа і гняздуюцца, і птушкі з больш паўночна-ўсходніх рэгіёнаў, напрыклад Расіі. Частка ж беларускіх гракоў ляціць на зімоўку ў Чэхію і Германію. Аднак, нягледзячы на яўны надыход вясны, пра які птушкі даведваюцца не толькі дзякуючы адлізе, але і праз паступовае павелічэнне светлай часткі сутак, зіма не збіраецца канчаткова адступаць. Час ад часу ідзе мокры снег.

Як адрэагуюць на гэта наступныя «мігранты», даведаемся ўжо ў найбліжэйшыя дні, бо звычайна птушкі ўмеюць нашмат лепш за сіноптыкаў прагназаваць надвор'е.

Сяргей КУРКАЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.