Вы тут

Першыя білеты на "Славянскі базар у Віцебску" паступяць у продаж 22 лютага


XXVІІІ Міжнародны фестываль мастацтваў "Славянскі базар у Віцебску" сёлета пройдзе з 8 па 17 ліпеня. Цырымонія ганаровага адкрыцця адбудзецца 11 ліпеня, закрыцця — 15-га. Як заўсёды, гледачоў чакаюць сюрпрызы. Дарэчы, першы з іх — кошт білетаў застанецца на ўзроўні мінулага года і нават паменшыцца.


Як паведаміў кіраўнік дырэкцыі "базару" Глеб Лапіцкі, упершыню беларускі нацыянальны адборачны тур для ўдзелу ў дзіцячым і дарослым конкурсах вакалістаў пройдзе не ў Мінску, а ў Оршы. А ў сярэдзіне сакавіка ў Рызе адбудзецца аналагічнае аб'яднанае выпрабаванне для талентаў з Латвіі, Эстоніі, Швецыі, Нарвегіі, Фінляндыі, Германіі...

Асаблівасць сёлетняга конкурсу маладых выканаўцаў у тым, што ў Віцебску не будзе паўфіналу. У першы дзень хлопцы і дзяўчаты выканаюць славянскі хіт у суправаджэнні Нацыянальнага акадэмічнага канцэртнага аркестра Беларусі пад кіраўніцтвам Міхаіла Фінберга. У другі дзень — сусветны шлягер у суправаджэнні шоу-балета Алы Духавай "Тодэс".

Арганізатары заінтрыгавалі таксама анонсам канцэрта, прысвечанага юбілею "Песняроў". Што датычыцца зорак, ужо вядома, што прыедуць Валерый Лявонцьеў, Надзея Кадышава, Аляксандр Панаётаў...

Першыя білеты паступяць у продаж 22 лютага. У дырэкцыі падкрэслілі, што падчас фэст будуць задаволеныя ўсе гледачы, незалежна ад узросту і ўзроўню даходаў.

Аляксандр ПУКШАНСКІ

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.