У аграгарадку Мірны Баранавіцкага раёна застолле цесця з зяцем скончылася бойкай, паведамляе sb.by. Як аказалася, цесць падарыў дачцэ аўтамабіль. Гэты факт негатыўна ўспрыняў зяць, і паміж мужчынамі успыхнуў канфлікт.
Афіцыйны прадстаўнік УУС Брэсцкага аблвыканкама Сяргей Дучэнка распавёў:
- 10 лютага каля 17 гадзін пацярпелы 1992 года нараджэння гасцяваў дома ў свайго цесця 1973 года нараджэння. Мужчыны выпівалі, а потым паміж імі ўзнікла сварка. Падчас сваркі цесць патэльняй ударыў зяця па галаве. З сур'ёзнымі траўмамі мужчына дастаўлены ў Баранавіцкую гарадскую бальніцу.
У дачыненні да цесця пацярпелага распачата крымінальная справа за наўмыснае прычыненне цяжкага цялеснага пашкоджання. Максымальнае пакараньне прадугледжвае пазбаўленне волі на тэрмін да васьмі гадоў.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».