Вы тут

МЗС расчаравана рашэннем нарады Канвенцыі Эспа адносна БелАЭС


«Мы глыбока расчараваныя рашэннем жэнеўскай нарады бакоў Канвенцыі Эспа аб тым, што беларускі бок нібыта не даў грамадскасці «дастатковай» інфармацыі ў падтрымку абгрунтавання выбару астравецкай пляцоўкі для будаўніцтва БелАЭС», — каментуе сітуацыю прэс-служба Міністэрства замежных спраў.


Рашэнне было прынята па ініцыятыве дэлегацыі Еўрапейскага саюза, дагаджаючы Літве. «Відавочна, што вынік галасавання быў загадзя вызначаны «блокавай дысцыплінай» краін ЕС, якія складаюць большасць членаў Канвенцыі», — адзначае ў афіцыйным каментарыі знешнепалітычнае ведамства Беларусі.

Профільны камітэт Канвенцыі нават не растлумачыў, наколькі недастатковай была інфармацыя. Пры гэтым крытэрыяў дастатковасці няма як у самой Канвенцыі, так і ў дакументах, якія вызначаюць правілы работы камітэта па яе выкарыстанні.

Заключэнне Канвенцыі Эспа ніякім чынам не датычыцца пытанняў бяспекі БелАЭС. Гэтая тэма знаходзіцца па-за мандатам дадзенай супольнасці.

Нарада бакоў Канвенцыі аб ацэнцы ўздзеяння на навакольнае асяроддзе ў трансгранічным кантэксце (Канвенцыя Эспа) праходзіла з 5 да 7 лютага ў Жэневе. Удзел у ёй прымала дэлегацыя Беларусі на чале з першым намеснікам міністра прыродных рэсурсаў і аховы навакольнага асяроддзя Іяй Малкінай.

Марыя ДАДАЛКА

Загаловак у газеце: Які ён, крытэрый дастатковасці?

Выбар рэдакцыі

Грамадства

Прыёмная кампанія: да чаго рыхтавацца?

Прыёмная кампанія: да чаго рыхтавацца?

Зроблены першы крок да аб'яднання экзаменаў.

Культура

Гурт Іrdorath: Наш пасыл - быць сапраўднымі і свабоднымі

Гурт Іrdorath: Наш пасыл - быць сапраўднымі і свабоднымі

Прыклад гісторыі, калі талент сам прабівае сабе месца пад сонцам.

Палітыка

Топ-5 дасягненняў Беларусі ў міжнародных адносінах

Топ-5 дасягненняў Беларусі ў міжнародных адносінах

Гэта не пачатак кнігі-антыўтопіі або фантастычнага фільма пра будучыню нашай планеты.

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.