Гэта прыклад таго, як удала невыкарыстоўваемая маёмасць уводзіцца ў гаспадарчы абарот. Гарадзецкая базавая школа ў Краснапольскім раёне закрылася ў 2016 годзе, як малакамплектная.
На той момант у ёй вучылася каля 20 чалавек. Але будынак з поспехам быў рэалізаваны мясцоваму прадпрымальніку Юрыю Зямцову за адну базавую велічыню. Зараз тут вядзецца будаўніцтва аграсядзібы, дзе можна будзе не толькі адпачыць з камфортам, але і пакатацца на конях. Побач з аграсядзібай будуюцца яшчэ і стайні для трох дзясяткаў гэтых прыгожых жывёл.
— У нас у раёне прадстаўнічая ўлада добра супрацоўнічае з бізнесам, — кажа старшыня Краснапольскага раённага Савета дэпутатаў Анжаліка Гоман. — Як вынік з'яўляюцца новыя запатрабаваныя аб'екты. Трэба адзначыць, што Юрый Зямцоў не толькі прадпрымальнік, які працуе на карысць сваёй малой радзімы, але і дэпутат сельскага і раённага Саветаў дэпутатаў. Да гэтай справы ставіцца з не меншай адказнасцю, чым да сваёй асноўнай дзейнасці. Сярод жыхароў раёна ён карыстаецца вялікай павагай. Ёсць спадзяванні, што яго турыстычны аб'ект прыцягне ў раён дадатковыя сродкі і стане яшчэ адным яго брэндам.
Нэлі ЗІГУЛЯ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
