Вы тут

У Брэсце зацверджаны лагатып культурнай сталіцы СНД


Калі Пінск стаў сёлета культурнай сталіцай Беларусі, то Брэст аб'яўлены культурнай сталіцай Садружнасці Незалежных Дзяржаў. Афіцыйная цырымонія надання статусу сталіцы адбудзецца ў красавіку. Тады Брэст прыме майстроў мастацтваў з дзяржаў — удзельніц СНД, пройдуць канцэрты і выстаўкі.


А на год запланаваны шэраг міжнародных мерапрыемстваў. У іх ліку — конкурс піяністаў, харэаграфічны фестываль, фестываль Дружбы, пасяджэнне бібліятэчнай асамблеі Еўразіі. І кожную імпрэзу будзе суправаджаць эмблема — лагатып культурнай сталіцы. Яна з'явіцца на вуліцах горада, на друкаванай і сувенірнай прадукцыі. Пасля правядзення конкурсу на найлепшую эмблему варыянт творчага калектыву ў складзе Уладзіміра Грыштука і Уладзіміра Любчука быў зацверджаны. Паводле слоў аўтараў, яны зашыфравалі ў лагатыпе знак сэрца, чалавека, сонца і кветкі, а яго цэнтральнай часткай выступае герб Брэста.

Святлана ЯСКЕВІЧ

Загаловак у газеце: Пад знакам сэрца

Выбар рэдакцыі

Культура

Што паглядзець у Нацыянальным мастацкім музеі

Што паглядзець у Нацыянальным мастацкім музеі

Вiдавочна, што пакуль былi зачыненыя музеi, гледачы засумавалi па «жывой» сустрэчы з карцiнамi.

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.