Вы тут

БДУ пашырыць міжуніверсітэцкае супрацоўніцтва ў рамках праекта COMPASS


Дэлегацыя Белдзяржуніверсітэта на чале з яго рэктарам Андрэем Каралём прыняла ўдзел у Лонданскім форуме міжнароднага праекта COMPASS “Пабудова ўстойлівасці ў Вялікай Еўразіі: выклікі і магчымасці”. БДУ далучыўся да праекту ў 2018 годзе.


Рэктар БДУ выступіў у Лондане з дакладам “Вялікая Еўразія: выклікі і магчымасці. Погляд з Беларусі”. Ён агучыў перспектывы супрацоўніцтва з Беларускім дзяржаўным універсітэтам ў галіне адукацыі, навукі і праектнай дзейнасці.

Удзельнікі форуму абмеркавалі пытанні ўмацавання даверу і развіцця міжнароднага супрацоўніцтва ў еўразійскім рэгіёне, пашырэння міжвузаўскіх кантактаў паміж членамі праекта COMPASS.. Былі праведзены перамовы з прадстаўнікамі брытанскіх ВНУ з мэтай развіцця акадэмічнай мабільнасці. Абмяркоўваліся магчымасць уключэння Беларусі ў праграмы Фонду Ньютана і ўстанаўленне кантактаў БДУ з англійскімі IT-кампаніямі.

Перспектыўныя напрамкі навуковага супрацоўніцтва былі разгледжаны падчас наведвання дэлегацыяй БДУ Кембрыджскага ўніверсітэта і шэрагу яго цэнтраў. На сустрэчы з дырэктарам Дэпартамента фізікі Эндзі Паркерам абмеркавалі прыярытэтныя сумесныя даследаванні ў сферах вугляроднай электронікі, клетачнай біяфізікі і фізікі матэрыялаў. Таксама бакі выказалі зацікаўленасць у арганізацыі ўзаемных візітаў фізікаў.

Пра падрыхтоўку сумесных публікацый па кітаязнаўству, міжнародных і дыпламатычных адносінах вялася гутарка падчас сустрэчы з дырэктарам Дэпартамента даследаванняў у галіне развіцця Кембрыджскага ўніверсітэта Пітэрам Ноланам. У тым ліку абмяркоўваліся магчымасці арганізацыі ў брытанскім універсітэце таварыства па вывучэнні Беларусі і ўключэнне  БДУ ў міжуніверсітэцкую сетку па ўдасканаленні падрыхтоўкі магістрантаў і аспірантаў. Таксама адбыліся перамовы з ганаровым прафесарам Каледжа Езуса Нікам Рэем па пытаннях арганізацыі сумесных мерапрыемстваў і публікацый у галіне сацыяльных і гуманітарных навук.

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.