Вы тут

Беларусі выдзеляць 8,8 мільёна еўра на развіццё прыватнага сектара


Наша краіна рухаецца да добрага інвестыцыйнага клімату, развіцця канкурэнцыі і беспапернага гандлю, у тым ліку, дзякуючы дапамозе Еўрапейскага саюза, Групы сусветнага банка і Міжнародной фінансавай карпарацыі. Гэтыя міжнародныя структуры прэзентавалі два сумесныя праекты па падтрымцы прыватнага сектара ў Беларусі агульным памерам 8,8 мільёна еўра. Праграма працягнецца да 2021 года.


Як адзначылі прадстаўнікі ЕС і Сусветнага банка, немагчыма прыдумаць ніводнай сферы жыцця, якой не датычыўся б прыватны сектар, — ад медыцыны да прамысловасці. Таму яго па праве можна лічыць адным з рухавікоў эканомікі краіны.

Асноўныя партнёры праграмы — Міністэрства эканомікі, Міністэрства антыманапольнага рэгулявання і гандлю, Нацыянальны банк і Дзяржаўны камітэт па стандартызацыі Рэспублікі Беларусь.

«Інвестыцыйны клімат у Беларусі ў апошнія гады мяняецца да лепшага, усе паказчыкі рухаюцца ў верным напрамку», — адзначыў старшыня прадстаўніцтва Сусветнага банка ў Рэспубліцы Беларусь Алекс КРЭМЕР. Сусветны банк дапаможа кансультацыямі ў сферах развіцця малога і сярэдняга бізнесу, прыцягнення і ўтрымання інвестыцый, падрыхтоўкі сістэмы беспапяровага гандлю.

Як падкрэсліла старшыня прадстаўніцтва Еўрапейскага саюза ў Рэспубліцы Беларусь Андрэа ВІКТАРЫН, чарговыя праекты — гэта лагічны працяг шматгадовага цеснага супрацоўніцтва. ЕС рэалізуе ініцыятывы па павышэнні канкурэнтаздольнасці прыватнага сектара і павелічэнні магчымасцяў беларускіх устаноў — у тым ліку, Беларускага фонду фінансавай падтрымкі прадпрымальнікаў, Нацыянальнага агенцтва па інвестыцыях і прыватызацыі, Цэнтра дзяржаўна-прыватнага партнёрства.

Праграма тэхнічнай дапамогі, што фінансуецца Еўрапейскім саюзам і рэалізуецца Міжнародным банкам рэканструкцыі і развіцця, накіравана на стымуляванне развіцця прадпрымальніцтва ў краіне. У сваю чаргу, Міжнародная фінансавая карпарацыя ўжо пачала выкананне Праграмы кансультацыйнай дапамогі ўраду па паляпшэнні дзелавога асяроддзя. Гэтая праграма фінансуецца і рэалізуецца пры падтрымцы ЕС і Шведскага міжнароднага агенцтва супрацоўніцтва для развіцця.

Варвара МАРОЗАВА

Загаловак у газеце: Для бізнесу і для краіны

Выбар рэдакцыі

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.

Грамадства

Як «Звязда» парушальнікаў адпачынку з міліцыяй шукала

Як «Звязда» парушальнікаў адпачынку з міліцыяй шукала

Апошнімі цёплымі дзянькамі многія мінчане стараюцца скарыстацца напоўніцу і па магчымасці адпачыць на прыродзе, хай сабе і ў межах горада.

Культура

Спявак Аляксандр Гелах: Як толькі паступіў, пачаў шукаць работу

Спявак Аляксандр Гелах: Як толькі паступіў, пачаў шукаць работу

Малады тэнар, які прыйшоў у Нацыянальны акадэмічны Вялікі тэатр Беларусі ў 2015-м, звярнуў на сябе ўвагу аматараў оперы адразу.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Танцуй... Пакуль не замужам?