Больш за сто чалавек эвакуіравалі са школы ў Гомелі з-за пагрозы мініравання, паведаміў афіцыйны прадстаўнік УУС Гомельскага аблвыканкама Віталь Прыстромаў, піша БЕЛТА.
Інцыдэнт адбыўся 30 студзеня. У аператыўна-дзяжурную службу Чыгуначнага РАУС паступіла інфармацыя ад адміністрацыі сярэдняй школы №55 аб тым, што на сайце навучальнай установы невядомы пакінуў паведамленне з пагрозай. "У тэксце адзначалася, што ў навучальнай установе будзе закладзена выбуховае прыстасаванне. Яго прывядуць у дзеянне ў выпадку атрымання адмоўных адзнак па выніках кантрольнай работы", - распавялі ва УУС.
У мэтах бяспекі са школы было эвакуіравана 112 чалавек. На месцы здарэння працавалі супрацоўнікі праваахоўных ведамстваў, сапёрна-піратэхнічная група. У выніку праверкі з удзелам службовага сабакі выбуховых прылад знойдзена не было.
Праводзяцца неабходныя аператыўныя мерапрыемствы па ўстанаўленні асобы невядомага, які пакінуў паведамленне.
Мерапрыемства праводзіцца на добраахвотнай аснове.
Не выявіць ні секунды абыякавасці.
