Распачаўся прыём заявак на ўдзел у рэспубліканскай інтэрнэт-алімпіядзе па вучэбным прадмеце "Астраномія".
Навукова-метадычную і тэхніка-тэхналагічную падтрымку ў яе арганізацыі забяспечвае Нацыянальны інстытут адукацыі з прыцягненнем спецыялістаў навуковых арганізацый, навукова-метадычных устаноў, устаноў агульнай сярэдняй, прафесійна-тэхнічнай, сярэдняй спецыяльнай, вышэйшай адукацыі і іншых арганізацый. Інфармацыйную падтрымку ажыццяўляюць выдавецкі дом “Звязда” і “Настаўніцкая газета”.
Для ўдзелу ў мерапрыемстве запрашаюцца вучні IX-XI класаў устаноў агульнай сярэдняй адукацыі і навучэнцы I-II курсаў устаноў сярэдняй спецыяльнай і прафесійна-тэхнічнай адукацыі.
Задача інтэрнэт-алімпіяды — стварэнне ўмоў для падтрымкі адораных навучэнцаў; фарміраванне і развіццё ў іх цікавасці да вывучэння астраноміі, стымуляванне праектна-даследчай дзейнасці падлеткаў …
Інтэрнэт-алімпіяда праходзіць у два этапы: першы — завочны дыстанцыйны і другі —вочны. Кожны этап уключае два туры.
Жадаючым прыняць удзел у рэспубліканскай інтэрнэт-алімпіядзе неабходна да 24 лютага 2019 года запоўніць электронную форму (заяўку) на сайце.
Абвяшчэнне пераможцаў алімпіяды, а таксама інфармацыя пра месца і час ўручэння ўзнагарод будуць размешчаны на інтэрнэт-рэсурсе, нацыянальным адукацыйным партале і яго афіцыйных старонках у сацыяльных сетках Facebook і "УКантакце".
Пераможцам рэспубліканскай інтэрнэт-алімпіяды будуць уручаны дыпломы I, II і III ступені, а таксама прызы.
Надзея НІКАЛАЕВА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
